أنا تسلَّى
الأمير خالد الفيصل
الأمير خالد الفيصل 19 يناير 2017 1 / 1
أنا تسلَّى بالشعر لَى توصّفت
والاّ فلا بالقول مهنة حياتي
ما قد سرقت البيت والاّ تسلّفت
ما اقلّد الشعّار شِعري مراتي
أنظم ثلاث عْقود واليوم ولّفت
معْ أوّل الرّابع ثلاث خْرزاتِ
ما اناظر الّلي راح.. ما يوم وقّفت
عيني لباكر وش معه لي بياتِ
ولاني بقايل ليتني ما تصرّفت
الحمد لله حافظٍ كل ذاتي
وش عاد لوني(1) في حياتي تكلّفت
يالعْن ابو قلبٍ تريّح وماتِ
(1) لوني: لو أنِّي.