استضاف الإعلامي وائل الإبراشي سمية عبيد، الشهيرة اعلامياً بـ"فتاة المول"، في برنامجه "العاشرة مساء"، المذاع على فضائية "دريم"، لتتحدث عن انتقام الشاب الذي تحرش بها منها بتشويه وجهها وذلك بعد عامين على واقعة التحرش الشهيرة التي حدثت أمام أحد المولات. 

ولم تتمكن سمية من التحكم بأعصابها بعد تعليق استفزها به أحد المتصلين تعليقا على واقعة تشويه وجهها من قبل المتحرش، وخرج منها لفظ خارج عن اللياقة على الهواء.

وأثار المتصل عدة تساؤلات قائلاً: "أين زميلها الشجاع اللي وقف على الشمال علشان يجنبها الراجل، وكان فين لما وقعت على الأرض وليه لم ينقذها.. أما رقم اتنين: الراجل ده اتسجن أسبوعين.. ليه فكر ينتقم بعد سنتين؟ وليه ما انتقمش مباشرة بعد خروجه من السجن؟ أما تالت حاجة والمهمة جدا، كان أثير في برنامج صبايا الخير للإعلامية ريهام سعيد أنه بعد حادثة المول الشهيرة قعدوا مع بعض وكانوا بيشتروا ترمس وهي عارفة والدته. أعتقد أن هذا الموضوع غامض رغم تعاطفي مع الضحية".

وردت "فتاة المول": "إزاي المحللين شايفيني سايحة في دمي ووشي واخد 50 غرزة وحاعدي بسلة عمليات وأنا ما عملتش حاجة لحد، لا زم حد يطلع يعرفنا أنه أذكى واحد في الدنيا، مش مكفيه إني واخدة 50 غرزة في وشي، لازم يطلع يقولك ترمس إيه وخ... إيه؟".