بالفيديو - محمد فؤاد يهاجم حلمي بكر ويردّ بقوة على محمد هنيدي
القاهرة – "لها" 08 أبريل 2023![](https://static.lahamag.com/attachments/194/7_735979_original.jpg)
محمد فؤاد
خلال الجزء الثاني من حلقته ببرنامج "العرافة" الذي تقدمه الإعلامية بسمة وهبة على قناتي النهار والمحور، علق الفنان محمد فؤاد على هجوم الموسيقار حلمي بكر عليه بسبب غنائه أغنية مهرجانات شعبية، قائلاً: "أنا بتاع كامننا والدم ده دمي.. محدش يفرض عليا رأي أو يوجهني.. أنت مين عشان توجهني".
وواصل قائلًا: "أنت أستاذ على رأسي، وعظيم، ولكن مش إله، وأنا راجل ملتزم بأقصى درجات الأدب والأخلاق، ومحدش يتجاوز حدوده ويتجرأ عليا".
وعن علاقته بمطرب المهرجانات الشعبية عمر كمال، قال: "أنا مش بقارن نفسي بحد.. وعمر كمال كان بيجيلي من وهو طفل وعيل صغير وهو من مدرسة محمد فؤاد، وكان بيجيلي الاستديو يتصور معايا.. وعمري ما أزعل من واحد زي عمر كمال.. دا عيل صغير كان بيجيلي وبيحبني".
وأضاف:"لم أحتضن عمر كمال بالفعل، وساهمت في تقديمه للجمهور".
وسألته بسمة وهبة، قائلة: "عمر كمال أنجح منك في يوتيوب؟"، ليرد فؤاد قائلًا: "عمر كمال أنجح مني بكتير طبعًا"، وأضاف " أنه لا يهتم بمقاييس السوشيال ميديا كثيرًا، قائلاً: "عمر كمال جواه فنان كويس.. وجواه مدرسة محمد فؤاد".
وواصل: "عمر كمال طلع من مدرستي.. وأنجح مني بكتير، ودائمًا أنصحه للأفضل".
وحول التصريحات التي أدلى بها الفنان محمد هنيدى حول الغيرة التي وجدها من فؤاد عقب نجاح فيلم "إسماعيلية رايح جاي"، قال فؤاد: "أنا كنت بكتب الإفيهات بإيدى عشان يضحك الناس.. أنا مش بغير من حد، ولا يوجد ما أغار منه.. واللي يغير من صحابه عنده نقص.. الموضوع كرهني في إسماعيلية رايح جاي لأنه خلق حالة من الكره ولقيت حروب نجوم، لمين اللي يتم الإنتاج ليه، وغيره.. مقدرش أهاجم هنيدي".
وواصل قائلًا: "أنا أغير منك أنت يا هنيدى.. عيب اتقى الله ده أنت هتتسأل قدام ربنا على كل ده.. أنا كنت بصحيه من النوم عشان التصوير، وهنيدى عرف الالتزام لما أنا زعلت منه عشان يلتزم".
وتابع: "إيه الجو المسمم ده.. بقى يطلع منك الكلام دا يا هنيدي.. يا راجل راعي العيش والملح وتعبي معاك في الفيلم.. دا أنا اللي خليتك تلتزم، وفلوسي حتى الآن ما أخدتهاش من فيلم إسماعيلية رايح جاي وكنت بصرف على المنتجين اللي فلسوا.. وصرفت 400 ألف جنيه من جيبي".
وواجه "شيخ العرافين"، محمد فؤاد، بسر سرقة "أغنيته الجديدة"، ليعلق الأخير: "دا تصريح خطير.. دا فيه حاجات متكلفة ملايين، والأغنية اللي اتسرقت حلوة، وكل اللي كان في الهارد حلو".
وأضاف: "تعرضت لسرقة عدد من الأغاني الجديدة، وتم الكشف عن الجاني، ولو كشفنا عنه، فبناته هتتبهدل.. وللأسف بناته أنا اللي ربيتهم".