وقع الفنانان أحمد فهمي وحمادة هلال ضحيتين جديدتين للفنان رامز جلال، في برنامجه "رامز جاب من الآخر"، حيث بدأ رامز حديثه عن ضيفيه الفنانَين بالسخرية منهما في مقدّمة برنامجه قائلاً: "أنا النهاردة هحط النار جنب البنزين، واحد عامل فيها برنس الأشباح وبيحضّر العفاريت والأرواح، حاتي الفن وكبابجي الدراما، ومداح الفن، ربنا ما يجعلنا قطّاعين أرزاق، وواحد مستحلي نفسه وقال أنا حسين فهمي، والتاني لبس جلابية وقالك أنا المداح، المداح بيتخض يا جدعان".

وواصل رامز سخريته قائلاً: "واحد كان بيغني شعبي واتجه للرومانسي والنحنحة، والثاني خلع من فرقته وسابها متسوّحة، وعينهم زاغت وراحت للتمثيل، واحد استحلى نفسه وقال أنا محمود قابيل، والثاني علشان طلع ملاكم في فيلم قال هكون للسقا بديل، واحد عامل فيها برنس الأشباح، وعمّال يحضّر في عفاريت وأرواح، والثاني مش مكفيه الهبش من التمثيل والأغاني، فتح محل كفتة وكباب ووشه اتملا هباب، معانا ومعاكم حاتي الفن ومداح الدراما، كبابجي الأغنية والمطرب المخاوي".

ووجّه رامز جلال الاتهامات الى أحمد فهمي وحمادة هلال، قائلاً: "أنتوا الاتنين متّهمين بالجمع بين مهنتين، الغناء والتمثيل، والممثلين مش لاقية تاكل، أنتوا تنسوا التمثيل خالص".

وشهدت الحلقة خوفاً هستيرياً لأحمد فهمي، من كل الحيوانات التي ظهرت في فقرات البرنامج، وعلّق الفنان رامز جلال على المشهد ساخراً: "فريق واما راح فين؟ نزل درجة تانية؟ شكلك وحش قصاد المزز، الدراع ده يتخض؟ لوك عالمي ذقن الخديوي إسماعيل، إحنا عارفين إنجازاتك كلها محلات جزارة، نادر حمدي بيلحن وأنت قاعد تلم فلوس".

بينما ظهر حمادة هلال بشجاعة كبيرة في مواجهة حيوانات رامز جلال، ليسخر الأخير منه قائلاً: "يا عم المداح ما تستخدم قدراتك، حمادة بيحاول يقول التعويذة... آخرك معايا المداح السنة دي، أنا مش عايز تعاويذ".

وردّ حمادة هلال على رامز جلال قائلاً: "انزل بس... متهرّجش يا رامز أنت جايبني تمرمطني... البنطلون لازق مش عايز أقوم شكلي وحش".