أعلن الفنان تامر حسني عبر حسابه الخاص على "إنستغرام" عن تدشينه مهرجانًا سنويًا جديدًا لكل طلبة المدارس، وذلك بسبب حرصه الدائم على التواصل مع هؤلاء الطلبة، حيث أطلق على هذا المهرجان اسم "مهرجان تامر حسني للمدارس"، كما أكد أنه سوف يختار 50 مدرسة كل سنة يحتفل معها بهذا المهرجان.

ونشر تامر حسني مجموعة صور من أول دورة من المهرجان، وعلق عليها بقوله: "عارف إن تكاليف حفلاتي بشكل وحجم المسرح وجميع المؤثرات البصرية الخاصة بشغلي ميقدرش عليها كتير من المدارس، فقررت أعمل مهرجان كل سنة وفيه أقوى التجهيزات العالمية، يوم بجمع فيه 50 مدرسة زي النهاردة، ونحتفل معاهم وسميناه مهرجان تامر حسني للمدارس والمهرجان ده إهداء مني لكل تلاميذ وأساتذة ومدارس مصر العظيمة".

وتابع تامر: "في يوم التخرج أو بدء الموسم الدراسي ياما فرحتوني بتعليقاتكم وبحضوركم أفلامي، وسماع الأغاني عشان كده حبيت أردلكم الفرحة دي بطريقتي، وحفلة النهارده حقيقي من أجمل الحفلات اللي قدمتها على مدار مشواري، مليون مبروك لكل الشباب الخريجين، وعقبال كل السنين وحتى للمناسبة دي عملت أغنية وهتنزل من الحفلة دي إن شاء الله على طول.

وأضاف تامر حسني: شكرًا للنجم ماجد المصري وابنه المطرب الصاعد آدم المصري، والمطربة الصاعدة دانيا الحريري، والنجمة رانيا منصور وابنتها نجمة المستقبل توانا، والفنانة الصاعدة سارة هيثم والطفل الجميل آسر أحمد، وأمايا وأصدقائها اللي عملولي remix هايل، الحفلة عملها وحوش المسرح العربي اللي فخور أنهم من فريقي، وليهم عندي بوست مخصوص على مجهودهم الخارق اللي حصل النهاردة، شكرًا لكل الجمهور الكريم وإن شاء الله نتقابل السنة الجاية".

View this post on Instagram

A post shared by Tamer Hosny (@tamerhosny)