هاجمت إبنة نجم مصري شهير فناني مصر بشكل عنيف، بسبب سلوكهم تجاه الفنان الراحل ماهر عصام، بخاصة في عزائه.

وقالت ايمي طلعت زكريا في منشور عبر حسابها على موقع "فايسبوك": "كلمة حق الشدة فعلا بتبين (موت ماهر عصام ) اولا الناس إللى بتكتب على الفيس: ماهر وحبيبى وعشرة عمري والجو ده، كان نفسى اشوفكوا مشرفين ف العزا أو الجنازة إللي هي بتاعت ماهر، أصل مش كل الوسط ف روسيا بيتفرج ع الماتش ولا كل الوسط ف الساحل، للأسف انا أتصدمت.. ماهر كان بيقف مع كل الناس ف الوحش قبل الحلو، ولما مات كام واحد بس إللي كانوا معاه، هتكلم عنهم برضه بس كفاية بقا منظرة ف أم الوسط الغدار ده. ريحتنا بقت وحشة. دى حاجة".

وأضافت: "الحاجة التانية زي ما في ناس وحشة وقالت ماهر مات خلاص، زي ما في أشخاص ف نفس الوسط ده فوق الأخوات والرجولة والجدعنة، وهنيئا ليك بيهم يا ماهر، هتكلم عّن الفنان الخلوق صاحب صاحبه (محمد عبد الحافظ ).. لو اتكلمت عليك طول عمري مش هوفيك حقك، ربنا يكرمك ويجازيك خير على كل حاجة عملتها لصاحبك وعشرة عمرك. انا عارفة انها كانت صعبة عليك، بس انت كنت قدها".

وختمت: "تاني راجل المحترم (اشرف زكي) الذي لم يبخل بشيء على اي فنان ف النقابة وموقفه مع ماهر لمثواه الأخير، وايضاً الفنان (احمد صيام) والصديق المحترم الزميل (حسن عيد ) و(ماجد المصري) و(هاني حسن الأسمر) ....غير كده شكليات ..يابختك بالناس إللي بتحبك ياماهر، ف الجنه ان شاء الله يانور عيني، كنت نعم الأخ والصاحب الجدع".