تولاي هارون تردّ على زيارة سلاف فواخرجي لمعرض فني أثناء عزاء شقيقتها... ماذا قالت؟

18 أكتوبر 2018

نشرت الفنانة السورية تولاي هارون، في صفحتها على "فيسبوك"، رسالة توجهت من خلالها إلى كل الأشخاص الذين شاركوها حزنها على شقيقتها الراحلة دينا.

وكتبت: "شكراً من القلب لكل شخص وقف معنا، والله يرحم اختي دينا. رح تضل روحها عايشة بيناتنا. وبدي أشكر مشفى الأسد الجامعي بكل كوادره من الإدارة للأطباء للممرضات اللي ماقصروا. شكراً من القلب".

واللافت أنها تطرقت إلى الانتقادات التي تعرضت لها الممثلة سلاف فواخرجي بسبب نشرها صوراً خاصة بها بالتزامن مع العزاء.

وعلقت: " وحابة قول لكل الزملاء والزميلات ماقصرتوا أبداً بوقفتكن معنا، وبدي منكن طلب. دينا الله يرحمها كانت تحب الفرح وكانت تزرع الفرح وين ماكانت. إذا بتحبوها خليكن سعيدين ومبسوطين. الدنيا قصيرة وهلق عم شوف اليوتيوب مستلمين زميلتين إلنا: سلاف فواخرجي وسلافة معمار".

وأضافت: "حابة وضح وقول إنو الاتنين ماتركوني، والله يقدرني ردلكن ياها بالأفراح. واللي عم ينكتب عنهن بطريقة سلبية بقلهن عيب اللي عم ينكتب، والله عيب. بقلكن أنا على الأقل بعرف كيف كنتوا واقفيين معي وماتركتوني".

وتابعت: "حابة قول لكل شخص وقف معنا شكراً من القلب، وانتو بتعرفو حالكن واحد واحد، وأنا بعرفكن منيح وبعرف شو عملتو معي. لاتهتموا شو بينكتب عنكن. عيشوا حياتكن بفرح لأنو دينا رح تكون سعيدة بقبرها إذا كنتوا مبسوطين، بحبكن وشكراً".

وجاء ذلك على خلفية تعرض فواخرجي للانتقاد بسبب نشرها صورة لها أثناء زيارتها أحد المعارض الفنية بالتزامن مع إقامة مراسم العزاء الخاصة بدينا هارون.