كشف المطرب المصري شريف شاكر عن تطورات حالته الصحية بعد إصابته بسرطان الدم.

وكتب من خلال حسابه على فايسبوك :" استودعكم الله الذي لاتضيع ودائعه ..محطة مهمة وصعبة جداً في رحلة علاجي .. كالعادة يقيني بربنا بيزيد مع كل مطب أصعب وثقتي بتزيد إني هعدي إن شاء الله"

وأضاف :" عملية زراعة النخاع العظمي هي عملية تغيير كل دم الجسم .. في حالتي المُتبرع هو أختي "الله يحفظها" بنسبة توافق چيني (٥٠٪) ودا زي ما المستشفى خلتني أمضي و أوافق بيخلي نسبة نجاح العمليه متساويه مع نسبة الوفاه (٥٠٪) متساويه برضوا مع إحتمالية إرتجاع السرطان في حالة التعافي إن شاء الله بس ربنا قادر يعديني منها على خير "

وتابع :"هاعمل ان شاء الله عمليه تركيب قسطرة وريدية مركزية في صدري و بعدها هاتعزل في كبسوله حوالي شهرين تحت المراقبه، مافيش زيارات .. مش هاشوف فيهم غير دكاتره و ممرضين، وبعدها ان شاء الله من ٦ ل ٨ شهور عزل مناعي ومتابعات .. ربنا يهون الأيام ويلهمني القوه والصبر "

واختتم :" آسف لو بتأخر في الرد على أي حد بيكلمني أو بيكتبلي وشكراً لكل واحد فاهم و مقدر حالتي و بيدعمني خلوني في دعواتكم ...هأرجع أقوى "