ردت الإعلامية المصرية وفاء الكيلاني بطريقة غير مباشرة على نظيرتها الكويتية مي العيدان بعدما نشرت الأخيرة صورة قديمة لفتاة مع التعليق: "صورة وفاء الكيلاني قبل و بعد. والله على بالي سيمون".

ونفت أي صلة لها بالصورة وكتبت: "البنوتة القمر دي مش أنا ومضايقنيش تشبيهها ليا والصورة دي دايرة بقالها أكتر من سنتين ما علقتش بشكل رسمي لأني مش شايفة عيبة في ملامحها وشيفاها قمر كمان".

وأضافت: "طول عمري كان نفسي شعري يكون ويفي أو كيرلي بدل شعري الناعم. بس حبيت أوضح في الوقت ده عشان التنمر اللي بأه ضد صاحبة الصورة ع السوشيل ميديا من ناس عينيها ما تعودتش تشوف الجمال فبتقبح كل ماتراه".

وأضافت: "وعشان المجلات والمواقع اللي كان نفسي ما تقعش فى خطأ المعلومة وياخدوا بالهم إن ألف باء الإعلام هو التحري عن المعلومة والتأكد من مدى سلامتها قبل نشرها !تحية للجميلة صاحبة الصورة وهارد لك لأصحاب النوايا الحسنة".

وتفاعل معها الكثير من المتابعين الذين أثنوا على أسلوبها الراقي في التعامل مع الجميع وفي الرد على التعليقات القاسية.