عبّرت الفنانة اللبنانية دانا الحلبي عن استيائها بسبب اتهامها بالوقوف خلف منشور حمل توقيع الفنان السوري عبد المنعم عمايري وجاء فيه "حالياً إذا بدك تكون تراند فعليك أن تقول معي كورونا". وهو ما رأى فيه الكثيرون سخرية من إعلان الفنانة أمل عرفة إصابتها بالمرض الناتج من عدوى فيروس كورونا المستجد.

ومن أجل تبرئة نفسها، نشرت الحلبي عبر خاصية القصص المصورة أو "ستوريز" على حسابها الخاص في "إنستغرام" رسالة وجّهتها إلى المنتقدين وجاء فيها: "لو سمحتوا أنا ما دخلني بالبوست لي نزل لا من قريب ولا من بعيد. واللهم لا شماتة بأحد. وسلامة قلبك يا أمل".

وأضافت: "أنا ما بردلك إلاّ كل خير. إنتِ غالية وعزيزة وبتمنّالك الشفاء العاجل، ولو سمحتوا ما حدا يحطني بشي أنا ما إلي فيه. وكل واحد عندو رأي يحتفظ فيه".

يذكر أن عرفة كشفت عن عدم إصابتها بفيروس كورونا بعد مرور 24 ساعة على إعلان مرضها، وكتبت على حسابها في "فيسبوك": "طلعت نتيجة المسحة اللي عملتا اليوم. النتيجة سلبية ألف الحمد لله".

وأضافت: "الأطباء اللي شخّصوا حالتي انها كورونا معاهون كل الحق. جميع الأعراض اللي عشتا كانت مطابقة لأعراض الكورونا نفسا. هالمرة إجت سليمة، الله يجيرنا من اللي جاية والشكر الكبير لكل اللي اهتموا وسألوا. بس رجاءً خدوا الأمر جدياً".

كما علّق عمايري من خلال حسابه الخاص: "أمل، أم سلمى، أم مريم . قلوبنا معك، بتمنّالك الصحة والسلامة. وانت بتعرفي انو ملايين الناس بتحبك وعم تدعيلك لتتغلّبي ع هاد الفيروس اللعين لترجعي أقوى للعيلة يلي بحاجتك".