بعد خضوعها لعملية جراحية في لندن، تكلّلت بالنجاح، أطلت الإعلامية بسمة وهبة من جديد على جمهورها من خلال فيديو مصور عبر "يوتيوب"، قالت فيه: "الحمد لله أنا خرجت من المستشفى لكن أنا مخنوقة ومش قادرة أقعد في لندن، وقلت للدكتور بتاعي ليه عايزني أقعد فقالي أي حد يعمل عملية لازم يبقى جنب الدكتور والمستشفى، وأنا اقترحت عليه اقتراح، قولت له لو أنا تعبت أو جرى لي حاجة هبقى أجي وأنا عندي يقين أني هبقى كويسة لأني في مصر ببقى كويسة".

وأضافت: "جوزي وحشني وبنتي خديجة وحشتني وأهلي وحشوني ونفسي أنزل عشان أروح لعبدالعزيز وعبدالرحمن وأسافر لهم لو ربنا أراد وسهل ومش قادرة أقعد في لندن بتخنق واديني قاعدة في الأوتيل عاملة إيه يعني ولا حاجة".

وأشارت بسمة إلى أنها السبب وراء تأجيل حفل خطوبة ابنة زوجها النائب علاء عابد، فقالت: "الغلبانة نادين بنت جوزي علاء عايزة تعمل خطوبتها بقالها 3 شهور وأنا مطلعة عنيها وهو في عز ما هو محتاج زوجته وأنا تعبانة وعاملة عملية وهو اللي بيعتذر لي إنه مش معايا، وأنا اللي بعتذر له إني مش معاه والمفروض أبقى واقفة جنبه ومعاه الله يصلح حاله وييسر له اللي فيه الخير".

يُذكر أن بسمة وهبة سافرت إلى لندن الفترة الماضية لإجراء بعض الفحوص الطبية، بعد تعرّضها لوعكة صحية، حيث كشفت أخيراً أنها تعاني مشكلة في المعدة، بالإضافة إلى نزيف، ووصفت حالتها بأنها في غاية الصعوبة، وأن طبيباً إنكليزياً هو الذي تمكن من تشخيص حالتها.