نفى الفنان الكبير محمد التاجي الأخبار المتداولة على مواقع التواصل الاجتماعي، عن تعرّضه لمشاكل صحية، نتيجة إصابته بفيروس كورونا، وطلب البعض الدعاء له بأن يمنّ الله عليه بالشفاء... وأكد التاجي: "والله أنا كويس وصحتي زي الفل، مش عارف فيه إيه من الصبح؟.. ليه بيقولوا إن أنا تعبان؟!".

وأضاف: "أنا فعلاً جالي كورونا، بس دا من شهر يناير اللي فات، وطلعت بيان وقولت دا، بس أنا دلوقتي كويس، وصحتي كويسة الحمدلله، مفيش عندي أي حاجة، إيه اللي فكرهم دلوقت".

وعبّر التاجي عن استيائه من الشائعات المنتشرة حول مرضه، قائلاً: "مش عارف بيطلّعوا الشائعات دي منين، بطّلوا شائعات".

يُذكر أن التاجي شارك فى السباق الرمضاني الماضي بمسلسل "ملوك الجدعنة"، الى جانب الفنانين: عمرو سعد ومصطفى شعبان وياسمين رئيس ورانيا يوسف ودلال عبد العزيز، وعدد آخر من الفنانين، والعمل من تأليف ورشة عبير سليمان، وإخراج أحمد خالد موسى.