نشر حساب منسوب للفنانة شيرين رضا طليقة الفنان عمرو دياب الأولى على "إنستغرام"، صورتين لعمرو دياب، ظهر فيها وقد اختلفت ملامحه قليلاً بما يوحي بأن هناك فرقاً زمنياً بينهما.

وعلق الحساب على الصورتين مدافعاً عن عمرو بعد الأخبار التي تم تداولها حول وجود عدة علاقات عاطفية تربطه ببعض الفتيات بعد انفصاله عن الفنانة دينا الشربيني الفترة الماضية.

وكتب قائلاً: لما تكون بتحب فنان أو حتى مهتم بأمره لازم تعرف إنه مش من حقك ولا من حق أي حد يقول كلام مش واثق منه ممكن يبوظ حياته! أنت بتفتكر أنه الفنان ده مش بيضايق مثلا؟ ولا بيحس أنه مظلوم، كل كام شهر يطلعوا عمرو يعرف واحدة شكل وكل صورة بألف تفسير وكل واحدة حواليه بألف معنى، ولمجرد واحدة عاوزة تبان وزيها كتير".

وأضافت: "عمرو دياب مش مراهق ولا شخص صغير ولا سفاح نساء ولا هو شخص مبيحسش، وحواليه بدل الواحدة ألف وأجمل من بعض ويتمنوه، عمرو في كل الحفلات السابقة اللي أنا شوفتها كاملة كان بيكون لوحده خالص، وعمرو لو بيحب مش هيخاف من حد وهتبقي إيدها ف إيده وجنبه، ولو مش عاوز حد يعرف مثلا هيمنع التصوير عادي جداً وعملها كتير".

وتابعت: "اتقوا الله شوية والصحافة بقت منتهي القذارة شوية ثروة وشوية مش عارف إيه وشوية ارتبط، كفاية تشويه في الراجل متستغلوش سكوت عمرو دياب، مفيش مجال للنقاش في البوست، أنا كفانز للراجل ده وأعرف كبار فانزه واللي على تواصل بحياته وعارفين الحقايق ف زي م أول موضوع دينا قولت آه في بقول دلوقتي كفاية أرف سيبوا الراجل في حاله".

واختتمت كلمها قائلة: "أنا هنا في البوست بتكلم عن عمرو دياب وعن حياته الشخصية اللي مش من حق حد يخربها أو يضايقه أو يدخل فيها ويألف حاجات باطلة".