بالفيديو - أكرم حسني: فكّرت في عمل مطعم وهكذا أتعامل مع أبنائي

القاهرة – "لها" 01 ديسمبر 2021

حلّ الفنان أكرم حسني ضيفاً على برنامج "صاحبة السعادة" الذي تقدّمه الإعلامية إسعاد يونس على قناة dmc، حيث كشف عن سبب تخليه عن فكرة تأسيس مطعم، موضحاً أنه يحب الأكل والطبخ، ويستمتع بكل مراحل تحضير الطعام، بالقول: "أنا طول الوقت نفسي أعمل مشروع تجاري في حاجة بفهم فيها، وبحس إني متذوق للأكل وأقدر أعرف الحاجات الحلوة، لكن قلت مش عايز أفتح مطعم عادي".


وأضاف: "كنت مرة في فرنسا ولقيت عندهم جهاز له نوع جبنة مخصوص، صينية فيها صواني صغيرة تدخليها في أدراج، وتحطي فيها الجبنة تسيح على النار، ويحطوها على توست محمص، وكل واحد يعمل الأكل لنفسه. عجبتني الفكرة لو استوردنا عدد كبير من الجهاز ده، والناس بقوا يعملوا الأكل بتاعهم، بس لقيت تسع محلات عاملينها في مصر، فصرفت نظر".

وأثناء تحضيره أحد الأطباق في إحدى فقرات البرنامج، سألته إسعاد يونس عن أصحابه المتواجدين عادة في عزوماته، فأجاب: "فهمي وشيكو وهشام، شيكو وبقولها بقلب جامد، بس يومها لازم أشوي إستيك".

ولفت أكرم حسني الى أن هوايته هي جمع الشوايات، ولديه منها أربعة أنواع مختلفة في الشكل والمادة التي صنعت منها، مشيراً إلى أنه يستمتع بالأكل وبمراحل إعداده... بالقول: "أنا بحب كل أكل الشارع، وبقيس دايما الحواوشي والكبده بطعم أكل الشارع، والسجق والكشري، أجدع ست بيت متعرفش تعمله زي الشارع".

وعن علاقته بابنه ياسين وابنته ربى، أكد أنه يحرص على العلاقة الوطيدة التي تجمعهم، لكن مع مرور الوقت تغير أسلوبه في العقاب. إذ قال: "ربى شبهي أكثر في الطباع، واخدة نفس إستايل التفكير. ياسين مش واخد طباعي شوية، وعنده ودن موسيقية اكتشفتها قريب جداً، بس مش بيحب المزيكا". وأضاف: "ربى عندها 15 سنة يعني آنسة، وأنا صعيدي أبويا من أسيوط، وطول الوقت عندي خناقة بين العرق الشرقي الصعيدي، وبين إن الجيل الجديد محتاج نبقى متفتحين معاهم أكثر، ونسمعهم ونصاحبهم".

وكشف أكرم حسني أن ابنته فكّرت في تغيير اسمها بسبب اختلاف طريقة نطقه بالنسبة لبعض الناس، والاسم الذي اقترحته هو سلمى أبو النجا، سلمى لأن كلاً منهما يحب هذا الاسم، وأبو النجا لأنه الاسم الأخير في عائلتهم ناجي.


وأضاف: "أنا وهي أصحاب، وقلتلها يا ربى مش عايزك تخافي مني، عايزك تحترميني. أي مشكلة تقعي فيها كلميني".

وروى أكرم حسني موقفاً حدث في ختام حلقة من برنامج الفنان أحمد أمين استضافته هو وياسين قائلاً: "في نهاية البرنامج كنا بنكتب لبعض جوابات عن مشاعري ناحيته ومشاعره ناحيتي وكنا هنعيط. أول مرة أشوف ياسين بيعبر عن اللي جواه بالشكل ده". وأضاف: "زمان كنت بعاقب بسحب الموبايل، بالتجربة والخبرات مبقتش أعاقب خالص، عقابي ليك إني زعلان منك".