الأعراس

الصور الأولى من حفل زفاف علي غزلان وملكة جمال مصر

12 ديسمبر 2021

احتفل اليوتيوبر المصري علي غزلان بحفل زفافه من ملكة جمال مصر فرح شعبان، اليوم الأحد، وذلك بعد توديعه للعزوبية ولعائلته برسالة مؤثرة شاركها عبر السوشيال ميديا. 

ونشر غزلان، صورته مع عروسه التي بدت كالأميرات بالفستان الأبيض الملفت بتصميمه المبهر وتفاصيله الجميلة، بينما اختار العريس بدلة مرتبة باللونين الأبيض والأسود ومزينة بورود حمراء ناعمة، وعلق عليها: "مراتي" مع ايموجي قلب.



وكان غزلان قد كشف عن اقتراب حفل زفافه من خلال صورة جمعته بعروسه ومعهما والداه ووجه لوالديه رسالة مؤثرة، كتب فيها: "آخر ليلة في سريري.. رفوف دولابي بقت فاضية وهدومي اتنقلت لبيتي التاني.. قفلت النور والكل نام.. بس أنا مش عارف أنام.. مشاعر مضروبة في الخلاط، فرح، خوف، مسؤولية، رهبة، ارتباك".

وأضاف: "بكرا هبدأ حياة جديدة مع اللي اختارها قلبي.. بس في اتنين مينفعش متكلمش عنهم.. أمي وأبويا.. هعيش طول عمري خدام تحت رجلكم، ربيتوني أحسن تربية ومبخلتوش عليا ولو حتى بالنصيحة.. طلعتوني راجل أعتمد على نفسي وأشيل المسؤولية".


وتابع: "شكراً لإيديكوا اللي ربتني واللي شالت هم كتير.. شكراً إني وقت شدتي اتسندت عليكوا وكنتوا أقوى جبل.. شكراً على الرضا اللي علمتهولي وإزاي تبقى عيني مليانة وجملة (الواحد لو كل كباب هيشبع ولو أكل لقمة بملح هيشبع برضه) شكراً إنكوا خليتوني أرفع راسي لما بروح مكان بمجرد لما حد يعرف إني ابنكوا".

واختتم رسالته قائلاً: "بحبكم.. مش هتوحشوني أوي، عشان أنا ومراتي هنبقى عندكوا أكتر ما نبقى قاعدين في بيتنا".