بالفيديو - مواجهة صريحة وصدام وبكاء بين غادة عادل وطليقها مجدي الهواري

القاهرة – "لها" 28 ديسمبر 2021

شهدت الحلقة التي عُرضت مساء أمس الاثنين من برنامج "بصراحة مع" المذاع عبر قناة MBC، والتي جمعت الفنانة غادة عادل وطليقها المخرج مجدي الهواري، تصريحات نارية من غادة عادل ضد طليقها، والذي ردّ عليها بتصريحات دفعتها للانفعال أحياناً والبكاء أحياناً أخرى.

وتحدثت غادة عادل عن مشاعرها أثناء فترة زواجهما، قائلةً: "الطلاق أفادنا وأفاد أولادنا وبقيت بيننا علاقة احترام متبادل... إنت كنت طول الوقت شايف إن إنت الأب لينا، وأنا مش عارفة أتعامل مع الولاد".


وأضافت: "مكنتش عارفة أبقى مستريحة وسعيدة عشان أوصل لهم ده، مش بسببك لكن بسبب إني كنت مكبوتة... أنا كنت مش عارفة أعبّر عن اللي جوايا وأقول نفسي أعمل إيه، والولاد كانوا بيشوفونا بنتخانق كتير جداً. وكنت في فترة بتختفي وتغيب وأنا أدوّر عليك، وكان في وقت كنت مش قادرة أتقبّل الحياة دي. كنت واخدني شيء مسلّم بيه، وبتعاملني كإني بنتك".

وردّ مجدي الهواري قائلاً: "أنا حسيت إن لما جيتي مصر كنتي مش فاهمة الحياة، فخدت على عاتقي أفهّمك كل حاجة والصح من الغلط، يمكن كان كتير لكن عذري الوحيد إني كنت خايف عليكي".


وسألت غادة عادل طليقها مجدي الهواري: "أنت شايف إني ماشية غلط في شغلي؟، فأجاب: "افلامك الفترة الأخيرة بتهزمي نفسك فيها وتاريخ عملناه سوا أحنا استثمرنا فيه".

فتنفعل غادة عادل قائلةً: "إحنا فيه أفلام عملناها سوا لما بشوفها على التلفزيون ببقى عاوز أقفله عشان محدّش يشوفني ومش هقدر أقول أسماءها عشان زمايلي"... ليردّ مجدي الهواري عليها: "الناس كلها فاكرة إن أنا اللي اكتشفتك، لكن الحقيقة انتي اللي اكتشفتيني، فحين كنت منتج والناس شايفين إنك مش بتعرفي تمثّلي وأنا كنت بقول لا أنا كنت مؤمن بيها فأكتشف نفسي أن عندك الموهبة قبل أن أكون مخرج".


وأضاف: "في البداية حين كان يتم تكريمك كانوا يقولون مجدي الهواري يفرض زوجته على الفن، ولكن مع حصولك على الجوائز أصبحوا يقولون غادة عادل وزوجها المنتج... وظهرت موهبتنا عندما عملنا سوياً في فيلم "الوتر"".

لتردّ عليه غادة: "أنت كنت مؤمن بيا وتدفعني أكون ممثلة ولكن كان لديك مشكلة أنك تحدد الأعمال حسب ارتياحك النفسي بسبب حبّك وغيرتك عليا ومكنتش عارفة أطلّع اللي بداخلي".

وقال الهواري خلال اللقاء إنه تزوّج من غادة عادل في سنّ صغيرة، وأن استمرار زواجهما مدة 20 عاماً هو في حد ذاته نجاح كبير في حياتهما، مؤكداً: "لما نقعد متجوزين 20 سنة ده نجاح".

ورداً على سؤال غادة له "متجوزتش ليه بعد طلاقنا؟" أجاب الهواري: "هو أنا مجنون. أنا عندي شروط في الجواز التاني بعد ما الواحد كبر وبقى عنده خبرة. هل الزوجة التانية هتتقبل إني لسه بحبّك؟ إنت لو مش غالية عندي وأم أولادي مش هقول الشرط ده للست اللي عايز أتجوزها".

لتفاجئه غادة بسؤال: "تتضايق لو إتجوزت؟" فيجيب: "إنت حرة"، وهو ما عقبت عليه بقولها: "ولادك مش راضيين، أنا متجوزة أربعة من بعدك".

ليقول لها مجدي عن اختلاف حياته بعد طلاقهما: "أنا دلوقتي هادي وعارف أشتغل أكتر"... لتعلّق غادة عادل بالقول: "طبعاً ركزت في شغلك أكتر بعد طلاقنا، كنت مركّز معايا بس".