علّق السيناريست مدحت العدل على اعتزال الفنان الأردني أدهم نابلسي الغناء بطريقة جريئة، منتقداً ما يحصل عبر وسائل الإعلام.

وعبّر العدل عن رأيه بالاعتزال خلال لقائه في برنامج "كلمة أخيرة" الذي تقدّمه الإعلامية لميس الحديدي بكلمات قوية: "ماحدش يعرف أدهم علشان يتعمل الضجة دي كلها ومحدش عارف هو مين... دا مش تامر حسني بيعتزل علشان الفضائيات كلها تستضيفه".

وأضاف: "مشكلتنا دلوقتي الجري ورا التراند، لما تبقى إعلامي مهم وبرنامجي مهم وعارف انه هدفه الفرقعة الإعلامية، انا ليه أساعده وأسلّط الضوء عليه".

وتابع قائلاً: "أنا اسأله ليه، انا اسأل عمرو دياب لما يقرر يعتزل وشخص حقق نجاحات ويريد التخلي عنها، إنت وجودك زي عدمه في الفن فأن تعتزل أو لأ انت حرّ".

ووجّه مدحت العدل رسالة الى أدهم نابلسي جاء فيها: "هو أنت ابتديت علشان تعتزل... وأنا شخصياً ماسمعتش عنك قبل كدة... انت وجودك زي عدمه في الفن، وأصلاً انت ابتديت علشان تعتزل".

من جانبها، قالت إلهام شاهين: "اللي عاوز يعتزل، يعتزل ويختفي من غير ما يتكلم عن الفن والزملاء". وأضافت: "النجمة القديرة شادية لما اعتزلت ما نطقت بكلمة ولا طلعت ببرنامج ولا حكيت عن الفن ولا قالت انه حرام".

وفاجأ أدهم نابلسي جمهوره بقرار اعتزاله الغناء، ليثير جدلاً بين المؤيدين والمعارضين لمبررات اعتزاله.