أثار والد المطربة بوسي ضجة كبيرة بعد تصريحاته التي أعلن من خلالها استمرار الخلاف بينه وبين ابنته، وانقطاع الاتصال بينهما منذ سنتين.

وقال والد بوسي في مداخلة هاتفية مع الإعلامية إنجي إنور ببرنامج "مصر جديدة": "ما فيش حد من ولادي بيسأل عني، وآخر مرة كلمتني كانت من حوالي سنتين".

وأوضح أنه "ما فيش أي مشاكل، أنا طلقت أمها زمان وأمها ماتت، وصرفت عليها وهي صغيرة، وكانوا بياخدوا مني نفقة كويسة".

وأضاف: "كانت بتبعتلي فلوس لمدة 3 أو 4 سنين، وبطلت تبعتلي من 5 سنين، ولما إتكلمت في الإعلام بعتتلي ألفين جنيه، وبعدها كلمتني وقالتلي يا محمد يا شعبان إنسى إن لك بنت اسمها بوسي، وأنا نسيتها ومش عايز منها حاجة".

وتابع: "أنا مرجعتش أتكلم في هذا الموضوع ولكن الصحافة والقنوات بيجولي ياخدوا مني كلام غصب عني. ربنا يسهل لها ويسترها، واللي بيتعمل فيا هيتعمل فيها بعدين".