شاركت الفنانة ياسمين صبري، على موقع "تويتر" في فقرة بعنوان "إيه الـGreen flags اللي بتدور عليها في شريكك سواء في حب أو صداقة"، حيث قدّمت عدداً من النصائح في مجالَي الطاقة والتنمية البشرية، كذلك معايير اختيار شريك الحياة والأصدقاء.

وشارك في الفقرة عدد كبير من الجمهور، تخطى الأربعة آلاف مستمع ممن أشادوا بثقافة ياسمين صبري وعفويتها، كذلك حضر كمستمع رجل الأعمال أحمد أبو هشيمة، زوج ياسمين صبري

وقدّمت ياسمين عدداً من النصائح للجمهور، منها:

- ثق في عقلك وفي حواسك لما تحس بحاجة لأن عقلك مش أذكى جهاز في جسمك، الأذكى هو الشعور واستشعار حاجة بتحسها أقوى من العقل وملهاش تفسير استفتي قلبك.

- احذر اللي بيزرع فيك طاقة ويسيبك تحققها علشان تخدم فكرته بيخليك تركز في السلبيات اللي قالهالك وبعديها أنت تصدّقها وتصرفاتك تختلف لخدمة فكرته السلبية بيغيرك لأنه هزك فأنت لا إرادياً بتحقق فكرته السلبية.

- إن لم تجعلك العلاقة مع مَن تحب شخصاً أفضل فأنت مع الشخص الخطأ.

- دايماً دوّر على اللي أحسن منك علشان هيخليك أحسن ودايماً دوّر على المتطور علشان هيطوّرك ولما تختار اختار اللي يشدّك لفوق.

كما أسدت بعض النصائح في مجالَي الطاقة والتنمية البشرية حيث قالت "إن الطاقة شبه عدوى البرد ممكن تتنقلك على حسب طاقة الشخص اللي هتتعدي منه". وأضافت: "كل مرحلة ليها أصدقاء معينين ليه لازم نتعلم بعد القلم التاسع".

كذلك أجابت ياسمين على سؤال "إزاي ننضف نفسنا من الصدمات؟" بالقول: "لازم تكون مستعد إنك هتغير حياتك تماماً في حاجات هتروح مع اللي هيتنضف، لازم تتخلّى عن حاجات مع تنضيف الصدمات دي".

وأجابت أيضاً على سؤال حول قدرة الأشخاص على التخلص من آلام الماضي فقالت: "آه بس هنتخلص من أشخاص كتير معاه والحلو ف كدا أنك هتفتح أبواب لناس جديدة".

اختتمت ياسمين صبري حديثها مؤكدةً محبّتها للكاتب الراحل مصطفى محمود، ورشّحت عدداً من كتبه، منها كتاب "الأحلام" الذي تحدث فيه عن الأحلام في الجانبين النفسي والعلمي، وكتاب "الله والإنسان" الذي يدور حول بحث الإنسان الدائم عن الخلاص في أي مذهب أو ديانة يعتنقها.