خلال تقديمها برنامج "90 دقيقة" على قناة "المحور"، شنّت الإعلامية بسمة وهبة هجوماً حاداً ضد الإعلامي إبراهيم عيسى وكل الذي يتحدثون في الشؤون الدينية والإفتاء من دون تخصّص.

وقالت بسمة في هجومها: "بنلاقي الناس على "تيك توك" ومنصات تانية بيتكلموا عن الدين وبيفتوا، أنت بتكتشف حاجة بمخك أنت... أنا ذنبي إيه وجيراني وأصحابي وأسرتي والمجتمع إنك انت عاوز تخليه يفهم غلط زيك؟!".

وأضافت: "عاوز توصل لإيه؟! احتفظ بآرائك لنفسك وطبّقها على نفسك، وخلّي قناعاتك لنفسك، لكن أنا ذنبي إيه؟! أنت مالك ومالي، أنت مش وصي عليّ ولا وصي على الدنيا ولا حد فوّضك إنك تتكلم باسم ربنا واسم الدين، أنتَ من تكون؟!".

واختتمت وهبة حديثها بالقول: "الفتاوى الشاذة في الدين تأتي في إطار تشويه المجتمع المصري... و"أعرض عن الجاهلين"، وتوخّوا الحذر، والله خاطبنا في كتابه الكريم يا أصحاب العقول، أي أن الله منحنا العقل لكي نزن به الأمور، أرجوكم تمهّلوا ومتسمعوش ومتمشوش في السكة دي، وأتمنى من كل واحد بيحب يفتي ويقول آراءه في الدين إنه يخلي آراءه لنفسه، مش عاوزين نعرف ومرجعيتنا الأزهر الشريف".