بالفيديو - اعترافات جريئة لرشا سامي العدل تصدم الجميع

القاهرة – "لها" 23 فبراير 2022

لحقت الفنانة رشا العدل ابنة الفنان الراحل سامي العدل، بزميلها الفنان الشاب كريم الحسيني، حيث أعلنت عن افتتاحها مطعماً متنقلاً في الشارع بمدينة دهب في سيناء، وكشفت في بث مباشر عبر صفحتها الخاصة في "فيسبوك" السبب الرئيس لتنفيذها هذا المشروع، وهو تجاهل المنتحين والمخرجين لها في الأعمال الفنية.

وقالت رشا إنها تفكر في مشروع إدارة سيارة صغيرة للطعام منذ قدومها للعيش في مدينة دهب بشرم الشيخ، بعد اضطرارها للعمل بسبب الظروف المعيشية الصعبة التي عانتها في الفترة الأخيرة. وأضافت بكل جرأة: "فشلت في العمل بالتمثيل ولم يعرض عليّ أي دور... مش بحب ألقي اللوم على حد، لكن النقابة على عيني وعلى راسي، وكل اللي باستفاده منها تأمين طبي بتعالج في مستشفيات وبحصل على تخفيض أو أقدر أروح لدكتور وآخد علاج بسعر مخفض".


وتابعت رشا قائلةً: "أنا فتحت مشروع أكل وهنزل أبيع في الشارع في دهب، لأن أنا سعيت وفشلت كممثلة، المنتجين والمخرجين مش بيطلبوني وأنا مش بلومهم بس مش هستنى لما أقول لله يا محسنين... أنا نقابية من 20 سنة والنقابة موفرالي ميزات زي كارنيه التأمين الصحي عشان لما أتعب أعرف أدخل مستشفى بسعر مخفض، وأنا عارفة إني لو طلبت من أهلي مش هيتأخروا".

ونشرت بعدها مقطع فيديو كشفت من خلاله عن أول زبائنها في المطعم وقد أُُعجب كثيراً بما تقدّمه من مأكولات.


وكانت رشا العدل قد كتبت عبر حسابها الرسمي في "فيسبوك": "أنا حابة أقول كلمتين، أنا عارفة إن الأيام اللي جاية هايصدر مني فعل هاتهاجم عليه من بعض الناس وناس تانية هاتدافع عني، ناس احتمال تفتكر اني عايزة أعمل ترند وناس تانية هاتقول انه حقي وناس تالتة هاتقول إيه الأفلام دي واحتمال أخسر ناس".

وأضافت: "الناس اللي تعرفني بجد هاتكون عارفة إن قراري ده كان بعد وقت طويل قوي من التفكير العميق وخوف من رد الفعل... إذا كان من العامة أو أصدقائي أو المقربين، بس فيه ساعات كده لازم الواحد يفكر في نفسه وياخد قرار حاسم علشان يرتاح لأنه لازم يحب شوية... حبيت أقول الكلمتين دول علشان أعرف النهاردة أنام مرتاحة لأني خايفة من بكرة، توكّلت على الله".