بالفيديو - بعد هجوم أيمن بهجت قمر عليه... محمد نجاتي يهدّد باللجوء الى القضاء

القاهرة – "لها" 15 أبريل 2022

نشر الفنان محمد نجاتي عبر حسابه الخاص في "إنستغرام" مقطع فيديو كشف من خلاله لجوءه الى القانون لأخذ حقه بعد هجوم المؤلف أيمن بهجت قمر عليه بسبب تصريحاته حول السيناريوهات التي يرفضها ويعطيها لوالدته كي تصفّي عليها البطاطس من الزيت بعد قليها.

وقال نجاتي في الفيديو: "كان لازم أطلع وأوضح وجهة نظري في الكلام اللي اتفهم عني غلط كنت بتكلم يا جماعة عن فترة زمنية معينة اللي هي ما بعد فيلم "عرق البلح" دي كانت أواخر التسعينيات، والفترة دي كانت أفلام مقاولات وورق هابط". وأضاف: "عبّرت عن تعاملي مع هذا الورق بنوع من أنواع الدعابة والهزار كنت بهزر معرفش أتاخد عليا ليه أنا متربي علي إيد أساتذة كبار مثل بشير الديك ومحسن زايد وأسامة أنور عكاشة... بدأت حياتي وأنا صغير في كتابتهم، أما بخصوص الناس اللي تلفظوا بألفاظ مش هردّ عليهم بتصريحات حقيرة وهجيب حقي بالقانون". 



وعلّق نجاتي على الفيديو قائلاً: "مفيش أحقر من اللي إنت قولته! وحقي هاخده بالقانون".

وكان محمد نجاتي قد قال في لقائه ضمن برنامج "كلام الناس" الذي تقدّمه ياسمين عز عبر قناة mbc مصر: "السيناريو اللي مش عاجبني هيعجب غيري، وطالما أنا شايف إني مش محتاجله أو دون المستوى مش هعمله، بعد فيلم "عرق البلح" اتعرضت عليا سيناريوهات ومكنتش بحبها وكنت واخد جائزة أحسن ممثل في بلجيكا، لما كان بيتعرض عليا فيلم وحش كنت بخلّي ماما تصفّي عليه البطاطس علشان يشرب الزيت وأهين السيناريو".

وهو ما انتقده الشاعر والسيناريست أيمن بهجت قمر، ونشر عبر حسابه في "فيسبوك" فيديو من اللقاء والجزء الذي تحدث فيه محمد نجاتي عن رفضه لبعض السيناريوهات التي عُرضت عليه وإعطاء الورق لوالدته كي "تنشّف عليه البطاطس"... وكتب معلّقاً: "بيحط البطاطس في السيناريو اللي مبعوت له لو مش عاجبه عشان ماما تنشف الزيت بيه! بيهين السيناريو! برغم أني أكيد عمري ما بعت لده سيناريو، بس بصراحة أحقر تصريح سمعته في حياتي من واحد حاول يبقى ممثل". وأضاف: "حقيقي يا ابني أنت تستاهل المكانة اللي أنت فيها".