بالفيديو- رحيل ذكري تشنّ هجوماً جديداً على محمد الشقنقيري: "مطلعتش راجل"

القاهرة – "لها" 09 يونيو 2022

نشرت الموديل رحيل ذكري عبر حسابها الجديد في "إنستغرام"، بعد غلق الحساب القديم، مقطع فيديو هاجمت فيه الفنان محمد الشقنقيري، بعدما أثارت جدلاً واسعاً خلال اليومين الماضيين، بتداولها صوراً وفيديوهات تجمعهما، لتعلن من خلالها انفصالها عنه، وهو ما استنكره الأخير.

وأكدت ذكري في بداية الفيديو أن حسابها الشخصي تم السطو عليه وغلقه بعد حذف الفيديوهات، طالبةً من الجمهور متابعتها على الحساب الجديد، بالقول: "طبعا أنا لسة حاطة لكم صورة، كانت سيشن قديم، ظهرت فيه، وكان فيه إيد كاتمة بوقي، وهو ده ردّي عليه، بقول له مهما عملت محضر، لو مليون محضر أنا بالنسبة لي مش تار أنا مش عاوزة حقي... كنت عاوزة راجل، وأنت ما طلعتش راجل".


وأضافت: "لازم تعرفوا يا جماعة، بالعقل والمنطق، حاولوا تشغلوا دماغكم، وبلاش أسلوب أن الأغلبية ترمي الاتهامات، والكلام مش محمد الشقنقيري اللي أطلع بيه تريند، أنا اللي طلعته تريند، مين كان بيسمع عنده غير بعد ظهوره معايا؟ لو عاوزة شهرة هجيبه هو ليه... اللي عمره خمسين سنة، أنا اللي طلعته تريند - مع كامل احترامي ليه - فالواحد فيه اللي مكفيه، بلاش ترموا الناس بالتهم... لو عاوزة أطلع تريند، أجيب لي شاب حلو من اللي مسمعين، وأطلع معاه موديل وأبقى "تريند". اللي تفتكروه موسى يطلع فرعون، مفيش واحد هيمشي مع واحدة، وعنده زوجة أولى وهيأمنها ويتصور معاها، وهو بيحضنها ويبوسها، ويسيب الصور دي معاها. الزواج هو الإشهار بغض النظر إن كان عرفياً أو رسمياً... وكل عيلتي عارفة، وفيه مكالمات مسجلة مع الشقنقيري ووالدي ووالدتي... أنا مش منحلة وماشية على حل شعري، مكالمته مع ماما متسجلة وبوّاب العمارة شاهد، كان بيجي من فترة للتانية، وبيبعت للولاد هدايا".

وأردفت رحيل ذكري وهي تبكي: "أنا بقول باعلن الانفصال، لأنه طلّقني بتنكر، عشان خايف وجبان، ده شيء يرجع لك، كل ما فيه شيء بيتعمل هفضل أرد، ولسه عندي مفاجآت ما ظهرتهاش، مش هطلع كله، كنت ببكي البكى دا من كتر حبي فيك... الحب صفة إلهية بإيد ربنا، ربنا بيزرع الحب في قلوبنا، ومن وقت ما عرفتك وأنا في مصايب... ما عدا أول شهور اللي هي كانت حلاوة البدايات، فيما عدا ذلك مشفتش معاك شيء حلو، كنت بفضل مستنية بالساعات، وما تجيش، وكان نفسي أتكلم معاك، ما كانش من حقي، وحطيت في بقي جزمة قديمة".

واختتمت رحيل ذكري بالقول: "أديتك ورقتي الجواز عشان هبلة... أنا من رابع المستحيلات أمشي مع حد في الحرام، ربنا قدّر إني حبيتك، وما حدش يلومني، مفيش ست هتاخد راجل من واحدة، اتبهدلت وأنا كل عمري 29 سنة، وفترة عشريناتي راحت كلها مصايب ورا بعض مش بتقف".