بدرية طلبة تحذّر من ظاهرة خطِرة وتحذف منشورها بعد الهجوم عليها

القاهرة – "لها" 16 يونيو 2022

حذّرت الفنانة بدرية طلبة، من خلال منشور على "فيسبوك" من ظاهرة خطِرة انتشرت خلال الفترة الماضية في الشوارع، وهي خطف الفتيات من طريق التخدير بالوخز.

وضمّنت بدرية منشورها صورة قالت إنها لابنة شقيقها وقد ظهر آثار وخز دبوس في ذراعها، مؤكدةً أنها نجت من محاولة اختطاف.

وعلّقت بدرية على الصورة محذرةً أولياء الأمور من هذه الظاهرة الخطِرة، قائلةً: "والله ماكنت بصدق ومكانش يجي على بالي أبداً إن دي حقيقة لكن حصلت لحد مني... اللي اتشكت دي بنت أخويا، وربنا ستر ورجعت بيتها بالسلامة، أمانه خدوا بالكم من بناتكم لأن واضح أن البنات الكبار هنّ السن المستهدف". وأضافت: "شيّروا على قد ما تقدروا علشان نوعّي الناس، دا مش بوست منقول، دي صفحتي أنا بدرية طلبة ودي بنت أخويا"...

ولم تكشف بدرية طلبة عن موقف أسرتها من إبلاغ الشرطة عن الحادثة أو أي تفاصيل عن كيفية حصولها، إلا أنها فوجئت بهجوم شرس من بعض المتابعين الذين اتهموها بالترويج للشائعات بهدف إثارة البلبلة وتصدّر الترند، وهو ما دفعها لحذف المنشور، ونشر آخر قالت فيه: "اعتبروني منزلتش حاجة طالما حتقعدوا تكدبّوا وتناقشوا، أنا بوعّيكم مش أكتر لأن دا حصل معانا فعلاً". وأضافت: "مقولتش تخدير كلي زي ما بتقولوا، والبوست كان واضح واللي بيدخل على الخاص عايز التفاصيل، أنا مش فاضية أقعد أشرح لكل واحد مش مصدّق، براحة راحتك والغريبة بقى اللي يقولك ترند!، ترند إيه يا أبو ترند، هو أي هبد وأي كلام".