ميار الببلاوي تتعرض لهجوم عنيف من أحد متابعيها... وتردّ

القاهرة – "لها" 16 يونيو 2022

فوجئت الإعلامية ميار الببلاوي بهجوم حاد من أحد متابعيها على "فيسبوك" من خلال تعليق له على منشور أعلنت فيه عن تعرّض شاشة هاتفها المحمول للكسر.

وكانت ميار قد كتبت عبر حسابها في "فيسبوك"، قائلةً: "معلش يا جماعة موبايلي جاب شاشة الحمد لله على كل شيء وحاولت أنقل الداتا من صور وفيديوهات بس قدّر الله وما شاء فعل اللي هيتواصل معايا، ولو حد يعرف سعر الشاشة بكام ياريت يقولي بس براحة عليا والنبي قلبي مش مستحمل بس بقول فدا ابني، أنا أصلاً أعصابي تعبانة من خضتي عليه وقلة النوم طار من إيدي وقع على البورسلين محطش منطق".

ليرد المتابع على منشورها قائلاً: "يا دكتورة هي كميا حوار شاشة مش مستهلة كل بوستات دي إحنا أرزقية وعلى باب الله، ولو معانا بنصلح مش معانا بنمشّي نفسنا لحد ما ربنا يفرجها".

لتجيبه ميار قائلةً: "منا مش في الضمان، طيب أنت حر وأنا كمان أرزقية، إش عرفك إني معايا ثمن تصليحها دلوقتي وبعدين أنا ست أوفر مش عاجب حضرتك متابعنيش يا فندم، أنا لما ببقى مضايقة بجري على الفانز بتوعي لأني مليش حد وهما اتعودوا عليا وبيساعدوني في أي حاجة وبيواسوني لو زعلانة وبيشجعوني لو نجحت في حاجة وبيحذروني لو غلطت في حاجة، هما أهلي اللي عمري مقابلتهم بس في ضهري ونعمة من ربنا حبهم وخوفهم ودعمهم ليّا. ريح نفسك".

ثم كتبت ميار الببلاوي منشوراً آخر وجهته لجمهورها قالت فيه: "بجد هو أنا أوفر لما بجري عليكم لما يحصلي حاجة لما ببقى زعلانة أو فرحانة أو تعبانة مانا بحبكم أوي من غير ما أشوفكم ودعائكم بيفرق معايا دا بفضل دعاء أمي ودعائكم ربنا نجاني وأنا بين الحيا والموت في أمريكا أنتو بتهونوا عليا وحدتي وبطبطوا على قلبي مدفية بيكم حتى لو بينا عالم افتراضي مش هزعل قولولي لو أنا أوفر وأنتو بتزهقوا مني لأن المسج دي خوفتني الصراحة صباحكم رزق وهنا وكلنا على باب الله".