هاجمت الفنانة سمية الخشاب، من خلال تغريدات عدة عبر حسابها الخاص في "تويتر" التعليقات السلبية التي انتشرت حول واقعة ذبح طالبة في جامعة المنصورة على يد زميلها، وتحديداً عن الفتاة بعد انتشار فيديو الذبح عبر السوشيال ميديا.

وكتبت الخشاب قائلةً: "أنا مش مصدّقة اللي أنا شايفاه ده، دول المفروض يتحطوا في سجن وياكلوا في بعض". وأضافت: "دول مينفعش يبقوا في مجتمع بشري، دول مكانهم السجن، دول لو بقوا آباء هيطلعولنا جيل وحوش مش بني آدمين، وهما مش أقل من المجرم اللي ارتكب الجريمة".

وطالبت الخشاب بإخضاع الطلاب لنظام التأهيل النفسي قبل التحاقهم بالجامعات، حيث كتبت على "تويتر" قائلة: "ياريت يبقى في نظام تأهيل نفسي في الجامعات للطلاب، يعني لما نتيجة التنسيق تطلع قبل ما يتقبل الطالب في الكلية يتعمله evaluation نفسي من لجنة متخصصة تشوف هل هو مؤهل نفسياً إنه يدرس مع الطلاب وهل له أي ميول للعنف أو أي خلل في صحته النفسية قبل ما يدخل المرحلة دي".

وأضافت: "ومش بس للجامعات، للمدارس ولكل هيئة تعليمية أو منظومة رياضية، حتى اللي مقبلين على الجواز وبيفكروا يكوّنوا أسرة لازم يتعملهم الـevaluation ده عشان يعرفوا يطلعوا جيل آدمي".