نشرت الأنفلونسر الشهيرة آمال أبو المجد، والتي ذاعت شهرتها على تطبيق "تيك توك" بفيديو رقصتها مع زوجها على أغنية "غيري مني وولعي"، مجموعة من الصور والفيديوهات على خاصية القصص القصيرة الملحقة على حسابها عبر "إنستغرام" أعلنت من خلالها أنها تعرضت للضرب على يد زوجها، لافتة إلى أن زوجها الذي كان يحبها بحسب زعمها كان يسعى إلى إجهاض جنينها.

ونشرت آمال عدة مقاطع فيديو يظهر فيه زوجها وهو يضربها، ويسحلها في الشارع أمام المارة، وكتبت: "يؤسفني أقولكم إن ده جوزي أحمد اللي كنتوا كلكم بتشوفوه بيحب، أهو اللي بيحب، شوفتوا الرجولة إيه رأيكم؟".

وعن سبب الضرب، كتبت على مقطع فيديو: "كان عايز يجهض الجنين»، وبعدها نشرت صورة من التقرير الطبي، وكتبت عليها: "حق الست اللي تتسحل وكانت هتسقط في شهرها التالت فين، أنا كنت مختفية مش حزن ولا مرض، وهو بكل سهولة طلع من النيابة، أكنو معملش حاجة، بس أنا واثقة إن هنا الحق موجود".

علق عدد من متابعيها على هذا الأمر منتقدين ما يحدث من هذه النوعية من البلوجرز، حيث كتبت إحدى المتابعات: "موضوع آمال أبو المجد وغيرها كتير من مشاكل البلوجر واليوتيوبر والإنفلونسر، اللي بنام ونقوم بعد ما كنا لسه بنتفرج على هداياهم لبعض، والمشاعر الجياشة اللي طافحة عليهم كل يوم، آمال كانت لسه بتحتفل الأسبوع اللي فات هي وجوزها".

وكتبت متابعة أخرى: "كل يوم حادثة ضرب أو قتل أروع من اللي قبلها، الواحد يدفن نفسه في تربة أسهل، آمال أبو المجد اتسحلت في الشارع، اللي بتنزل فيديوهات حب هي وجوزها، أنا اتخضيت بجد، بغض النظر عن محتواها، وعن هي عملتله إيه بس محدش يستاهل كده".