تسببت الأخبار التي انتشرت حول إصابة نجل الراقصة دينا بفيروس كورونا، خلال الأيام الماضية، في إثارة غضبها من مطلقى تلك الشائعات، مؤكدة أنه يتمتع بصحة جيدة.

وهاجمت دينا خلال لقائها في برنامج عرب وود، مروجي أخبار إصابة نجلها بقولها: "الله يهدهم اللي كتبوا خبر إصابة ابني بفيروس كورونا، هو كويس جدًا مفيهوش حاجة، كل دي إشاعات أنا أتحملها".

وعن دخول نجلها مجال الفن، قالت دينا: "هو لا قرر يكون في الفن ولا له علاقة بالفن غير إني أنا مامته فابعدوا عنه خالص، علشان أنا عامله زي القطط اللي بتهبش الناس لو الموضوع لمس ابني بالذات".

وشنت دينا خلال اللقاء هجومًا حادًا على المطرب عمر كمال بعد تصريحاته الأخيرة برفض العمل مع الراقصات في كليباته.

وقالت: "أنا مش عارفة هو بيقول الكلام ده ليه، بعد ما تعمل كل اسمك من وجود رقاصة جنبك تقول كده طب ما تقعد في البيت بتروح أفراح وكل الناس بترقص حواليك وفيه مليون واحدة بترقص معاك، فأنا أتعجب من الأمر ولا أحب النفاق والكذب".

وعن حقيقة إجرائها عمليات تجميل قالت دينا: "كنت عملت من أربع سنين مناخيري لكني نسيت ذلك، ولما سألوني قلت لأ يا جماعة أنا بطلت سجاير، فمسكوني سلخ عملتي مناخيرك وبتقولي بطلتي سجاير".