أثار الفنان محمد عطية موجة من الانتقادات والهجوم ضده بعد تصريحاته الأخيرة عن الزواج، وأنه لا يمناع في البداية من الحياة بنظام المساكنة فإذا تم ارتياح الطرفين لبعضهما تزوجا، الأمر الذي أثار جدلًا واسعًا مؤخرًا على السوشيال ميديا.

وردت الإعلامية الشهيرة ياسمين عز، على تصريحات عطية خلال برنامجها "كلام الناس"، الذي يذاع عبر قناة mbc مصر، قائلة: "الأيام دي الواحد بيسمع تصريحات مش بيبقى عارف يعلق عليها.. عايزين توصلوا الناس لإيه؟ يعني إيه نعيش مع بعض من غير جواز، وبعدين نشوف إحنا مناسبين ولا لا، فين الدين اللي بيقول كده؟ إزاي شخصية المفروض قدوة تقول كلام خطير زي ده".

وأضافت: "ملناش دعوة بكريستيانو وجورجينا واللي بتحضر فرحها حامل، إحنا لا عاداتنا ولا ديننا بيقول كده، مفيش حاجة اسمها مساكنة، السكن زوج وزوجة في بيت واحد بعقد شرعي.. المساكنة دي تقلل منك لازم يكون في مجهود الراجل يعمله عشان يتجوزك فتبقي غالية عنده إنه يسيبك".

وكان محمد عطية قد أثار جدلًا واسعًا خلال الساعات الماضية بعد تصريحاته الأخيرة حول تأييد فكرة المساكنة، حيث قال: "لو أنا بحب إنسانة ليه ندخل المجتمع والقوانين بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ".