كشفت الفنانة فرح الزاهد، خلال تصريحات صحافية عن سهولة إصابتها باكتئاب نتيجة تأثرها الشديد بالتعليقات السلبية على مواقع التواصل الاجتماعي.

وقالت فرح: "أنا بتأثر جداً بالتعليقات السلبية ولحد دلوقتي بتضايق، والفنان في الآخر بني آدم وبيحس وأنا حساسة جداً وبيفرق معايا كلام الناس.. وواحد قالي اتقي ربنا وضايقني".

وواصلت: "التعليقات السلبية أحياناً بتخليني أشك في نفسي وبعيط وبفكر كتير وممكن توصل إن يجيلي اكتئاب ولكن مش هغير من نفسي المفروض الناس اللي بتنتقد بدون سبب هما اللي يتغيروا".

أما عن مشاركتها في فيلم "بحبك" علقت فرح الزاهد، قائلة: أنا فخورة بمشاركتي في فيلم بحبك وأن أول عمل ليا في السينما كان مع تامر حسني، وعمري ما توقعت إني هتعاون مع نجوم كبار زي تامر وأنا في بدايتي الفنية، وكنت خايفة جداً من شكلي في شاشة السينما لأن دي أول مرة، بس دلوقتي أخدت الشجاعة وأكيد هكرر التجربة تاني.

وعلى جانب آخر، حققت فرح الزاهد نجاحاً كبيراً بمشاركتها في عدد من الأعمال الفنية، من بينها مسلسل "الطاووس" مع سهر الصايغ وجمال سليمان وسميحة أيوب ورانيا محمود ياسين.