كشفت الإعلامية بسمة وهبة عن خضوعها لعملية جراحية جديدة بعد عدد من العمليات التي أجرتها في الفترة الأخيرة، مما جعلها تشبّه حالتها داخل غرفة العمليات بوضع الخروف المقدَّم للذبح.

ونشرت بسمة عبر حسابها الخاص في "إنستغرام" مقطع فيديو من داخل غرفة العمليات، ظهرت فيه وهي تقول: "الواحد عامل زي الخروف... معزة... خروف داخل يندبح... يارب يا كريم... يارب يا وفاء يرحمك".

وعلّقت بسمة وهبة على الفيديو قائلةً: "واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة اتكلم لما أقدر حكلمك راحت ردت عليه قالت لي آه مانتي مشغولة صحيح كل يوم في بلد وبتتفسحي فعاوزه أقولها هي واللي زيها إن أي صورة على السوشيال ميديا حلوة، وراها أوقات وحشة، وأي صورة فيها سعادة وراها أوقات تعاسة وألم، صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة".

وأضافت: "لأن صاحبتي ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة أتعالج مش اتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك أنتي واللي زيك ربنا ما يحكم عليكي يا بنتي باللي في الواحد، وأحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا أنا صاحبتي وفاء ماتت من الحسد".