كشفت الفنانة دوللي شاهين، في تصريحات صحافية، أنها لا تحب أن توجه نصائح لأحد، مشيرة إلى أنه لا يوجد أحد يأخذ بنصيحة الآخر، خاصة إذا كانت النصيحة موجهة من امرأة لامرأة.

وأضافت: "لما تيجي تنصحي حد بيكون أسوأ رد فعل من الستات مش من الرجالة، وأسوأ كومنت ممكن تاخديه يبقى من ست، والنصيحة ما حدش بياخد بيها ملهاش لازمة يبقى هنتفلسف ونتعب نفسنا ليه؟.

وعن رأيها في تصريحات الفنان محمد عطية عن زواج المساكنة، قالت: "كل واحد حر وكل واحد حسب تربيته وقناعته بيتعامل، ليه أحكم عليه أو أقول إنه بيعمل صح أو غلط دي حاجة ما تخصنيش".

وعن فترة اعتزالها عام 2015 أشارت إلى أنها ظلت بعيدة عن الفن ستة أشهر، بسبب مشكلات عائلية ورأت أنها تحتاج للتركيز في حياتها أكثر، مضيفة: "ما كنتش برد على حد، وده بسبب مشاكل عائلية وكنت عاوزه أركز في حياتي شوية وقلت مش هوقف غنا وهغني تراتيل دينية، ورجعت في رأس السنة 2016 لقيت نفسي عندي طاقة أني أرجع دوللي العادية مش بنفس الإحساس والمشاعر".