عرض الفنان تامر حسني عبر صفحته الرسمية في "فيسبوك" منشوراً طلب فيه من جمهوره أمراً غريباً، حيث كتب قائلاً: "لكل محبيني الكرام، كلامي اللي في البوست دا نفسي يوصل للكل وينفذه، ومحدش يسألني ليه بقول كدا بس أتمنى من كل قلبي انكم تعملوا اللي هقوله، انا والله العظيم بحبكوا أوي يا جماعه ولا عمري حسيت نفسي معاكم غير أخ او حد من عيلتكم يلا دلوقتي حالاً كل حد فيكوا يكتبلي في تعليقه نفسه يحقق إيه الفتره اللي جايه".

وأضاف: "أرجوكم شوفوا نفسكوا محققين دا وإن شاء الله هيحصل، أرجوكم أرجوكم اكتبوا اللي نفسكوا فيه وعندكوا يقين كبير بالله إنه هيحصل مش هتخسروا حاجه لو صدقتوني وعملته كدا مش جايز أطلع صح!! بس طبعاً نسعى ونجتهد بلا يأس والبوست هيفضل موجود لو حد حاله اتغير للأحسن وبدأ يحقق اللي كتبه يبقى يفتكرني بالدعاء".

الجدير ذكره أنه يُعرض لتامر حسني حالياً فيلم "بحبك"، والذي تشارك في بطولته هنا الزاهد، وقد حقق نجاحاً كبيراً في قائمة إيرادات أفلام موسم عيد الأضحى الماضي.

وتدور أحداث "بحبك" حول شاب يخوض قصّتَي حب، ويتخبط قلبه بين فتاتين، ويُظهر اختلاف مدى صدق التعبير عن الحب بين الرجل والمرأة. ويُعد الفيلم أولى التجارب الإخراجية لتامر حسني، وهو من تأليفه وبطولته أيضاً، الى جانب الفنانين: حمدي المرغني ومدحت تيخة وهدى المفتي وتميم عبده.