بعد جدل كبير حول حياته الشخصية، خرجت هند، ابنة الفنان الراحل سعيد صالح عن صمتها ووضعت حداّ للشائعات وتحدثت عن كواليس الأيام الأخيرة من حياة والدها، بعدما اشتدت معاناته من المرض.

وقالت هند خلال حوارها مع الإعلامية لميس الحديدي في برنامج "كلمة أخيرة" المذاع عبر قناة ON: "سنة 2014 من أواخر رمضان وحتى يوم وفاته حصلت أحداث كتيرة، ومنها إن يوم ميلاده كان في غيبوبة تامة، وقبلها كان صاحي لكن مبيتكلمش".

وأضافت: "كان عنده جلطات كتيرة موجودة من فترة، وألزهايمر كان موجود من بدري لكن مكانش ظاهر، والسرطان جاب آخرته، لدرجة إن الدكاترة قالولي الطب خلص، دعواتك ربنا يخفف ألمه"، لافتة إلى أنه تم اكتشاف إصابته بالسرطان في مرحلة متأخرة من المرض".

وتابعت: "آخر مرة كلّمني فيها كانت قبل وفاته بشهر، والدكتور سأله عني فقال دي حبيبتي بتاعتي مرات ابني".

وعن علاقة والدها بالنجم عادل إمام، أكدت هند أن "علاقتهما كانت تفوق الصداقة، وأثناء عرض مسرحية "الزعيم" في الإسكندرية، وبيتنا كان قدام مسرح السلام، بابا كان كل يوم بالليل ينزل يقعد معاهم في مكان على البحر ضمن المسرح، كل يوم كان عادل إمام في وسط المسرحية يجيب بابا من الكواليس ويقدّمه للناس عشان يحيي الجمهور على المسرح، مع إنه مش مضطر يعمل كده".

وأضافت: "في كيميا بين عادل إمام وسعيد صالح مفيش حد ممكن يفهمها، وعمري ما شوفتهم زعلوا من بعض، وصداقتهم لا تكيل بالباتنجان".