حلت الفنانة ألفت إمام ضيفة على برنامج "كلام الناس" ال1ي تقدمه الإعلامية ياسمين عز على قناة mbc مصر، حيث تحدثت عن سبب ابتعادها عن الفن لفترة طويلة، كما أعربت عن استيائها الشديد من مواقع التواصل الاجتماعي واستخدامها الخاطئ، وكشفت عن حقيقة خلافها مع الفنانة الكبيرة نادية الجندي بسبب فيلم "الشطار".

قالت ألفت عن سبب ابتعادها عن الفن لفترة طويلة: "سحبت نفسي من الأوساط اللي بيتكلم عليها السوشيال ميديا من بعد ثورة يناير، لأن فوجئنا من السوشيال ميديا، وفي ناس بتعتبرها حاجة بتجري في عروقها، وهي وسائل تباعد مش تواصل اجتماعي، والفترة اللي لقيت فيها تغير المزاج وسلوك المصريين، بعدت عن الفن، وبقت حاجة مش لطيفة".

وتحدثت عن التغير الكبير في سلوك الشعب المصري بعد ظهور السوشيال ميديا، قائلة: "مش دول المصريين، والمصريين شعب خلوق جدًا ومتعاون جدًا في الأساس، وفي حاجات تغيرت وبشتغل في المهنة ديه تقريبًا من 35 سنة، وتعلمنا على إيد نجوم كبار، وفي الفترة الأخيرة كانت في حاجة مش مظبوطة في الوسط، وقبل الطرق الجديدة، في أيام الثورة، كنت بوصل الاستوديو وأنا منهكة بسبب الطرق، وقت طويل، وكنت عايزة أطلع الطاقة اللي عندي للمشاهد.

وعن شائعات تواجد أي خلافات بينها وبين الفنانة نادية الجندي أثناء تصوير فيلمهما "الشطار"، قالت: "محصلش خلاف، هو أحيانا بنحكي عن مواقف حصلت في الفيلم في جزء صورته وإحنا متواجدين في العنابر بتاعة السجن صورناه، وبعد ما خلصنا مسألتش الأستاذ نادر جلال عن المشهد، وفي جمل مهمة جدًا أنا بقولها، وبتناقش أنا ونادية ليه كل شوية بتدخلي السجن في الفيلم، ولقيت أجزاء من الحوار بتاعي الكاميرا مش جاية على وشي، ممكن يكون من وجهة نظر المخرج".

وتابعت ألفت إمام حديثها عن سعادتها بالتعاون مع نادية الجندي، قائلة: "نادية الجندي نجمة كبيرة جدًا، وفرحت إني اشتغلت معاها في فيلم الشطار، وسجلنا الصوت بتاعي فقط بعد ما كنا مسجلين المشاهد، معرفش ليه يوم ورحت الاستوديو، وخدنا الصوت بتاعي فقط، محدش بيجيي بعد ما نزل الخبر ده يتأكد".