بالفيديو - أمل رزق تكشف أسرار زواجها من إسماعيل كتكت وانفصال الشرنوبي عن ابنتها

القاهرة – "لها" 04 نوفمبر 2022

حلّت الفنانة أمل رزق ضيفةً على برنامج "كلام الناس" الذي تقدّمه الإعلامية ياسمين عز على قناة mbc مصر، حيث تحدثت عن زوجها السابق المنتج الراحل إسماعيل كتكت، مؤكدةً أنها كانت تحبه على المستوى الشخصي قبل تقدّمه للزواج منها.

وقالت أمل: "كان متقدملي عريس مسافر أمريكا، ووافقت على الزواج من إسماعيل كتكت، بلا نقاش لأني كنت بحبه جداً مع إنه كان فرق السن بينا كبير".


وأضافت أن بعد زواجها منه طاولتها شائعات بأنها تستغله، قائلةً: "لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها بطولات وجايب لها معالق ألماظ في البيت، وده مكنش له أي أساس من الصحة وما خلتهوش يعملي بطولات ومكنتش هقبل، وهو مكنش عايز ينتج ليا من الأساس".

وأوضحت: "إسماعيل كتكت، مكنش عايز ينتج ليا وقالي لأ يا بابا إحنا نمشي خطوة بخطوة وكل حاجة بأوانها، ولكن بعد فترة كنت بلمّح له، إنه ينتج ليا وسألني إيه اللي اتغير فيا لأن كبريائي كان بيمنعني أسأله".


كما تحدثت عن زوجها الحالي، والذي تزوجته بعد وفاة المنتج إسماعيل كتكت بثلاث سنوات، قائلةً: "قررت أتجوز لأن ما ينفعش أكون لوحدي، وأنا عندي 3 بنات، وهو قدر، وربنا بعتهولي كل حاجة فيه كويسة وهو إنسان محترم ومن عائلة كبيرة جداً، وبيحب بناتي جداً، وما يتخيرش عن إسماعيل -الله يرحمه- وعايز يكرمني".

وعن سبب انفصال الفنان محمد الشرنوبي عن ابنتها، قالت إنها دعت الله في الحج أن يقرّبه منها إذا كان يحمل خيراً ويبعده عنها لو فيه شر، ودعوتها استُجيبت"، قائلةً: "دعيت في الكعبة وقلت لو محمد الشرنوبي فيه خير من بنتي يقربه ولو شر يبعده وربنا يسعدها ويوفقها علشان دي بنتي الكبيرة أول فرحتي وطيبة ونقية ودعيت من قلبي وقتها".


وأضافت: "بادعي لولادي من قلبي إن ربنا يقدّم لهم كل خير وبتمنى ليهم السعادة، وأنا في الطيارة قالت لي ماما هقول لك خبرين الخبر الأول جالها شغل بتحبه والخبر التاني قالت لي ماما أنا انفصلت عن الشرنوبي قلت لها اللي فيه الخير يقدمه ربنا واللي إنت مقتنعة به أنا في ضهرك".


كما تحدثت أمل رزق عن أزمة تعرضت لها عام 2013، قائلةً: "ربنا ابتلاني وكان عندي شوية صدمات وكنت بفكر كتير وعندي عصب في دماغي انضرب واتعميت 6 شهور، ودعيت ربنا في رمضان وقُلت يا رب لو قمت أول حاجة هعملها إني هحج، والدكتور استغرب إني رجعت أشوف تاني".