حل المطرب اللبناني رامي عياش، ضيفاً على الفنانة أنغام في برنامجها الذي يحمل اسمها وتقدمه على قناة dmc، حيث كشف في الجزء الثاني من الحلقة عن كواليس تعاونه في أغنية "الناس الرايقة" مع الفنان أحمد عدوية، وتفاصيل صناعته لأغانيه، وبداية مشواره مع الألحان وسبب عدم غنائه أول لحن له حتى الآن.

وقال عياش: "كان بقالي 15 سنة أحسب أحمد عدوية مابيغنيش.. إحنا كلنا بنحب أحمد عدوية وتربينا على أغانيه إحنا كلنا من جمهوره.. ولما سمعني الملحن الكبير صديقي محمد يحيى أغاني كتيرة.. وما تفقناش على واحدة منهم وسمعني إفيه من موال عجبني جدا.. وقلتله عايز أغني الأغنية زي كده ومع أحمد عدوية.. وكان موجود معانا الأستاذ هاني محروس.. وقالي أنا أعرفه لكنه مابيغنيش إلا مع ابنه.. فقلتله يعتبرني زي ابنه.. وفعلا مفيش أسبوع وسجلنا الأغنية ومفيش أسبوعين بعدها صورناها ونزلت.. وطلعت للجمهور أغنية الناس الرايقة".

وأضاف: "وأول حاجة لحنتها لنفسي كان عمري 13 سنة مغنتهاش لغاية دلوقتي.. وبهديها لشاب جديد في لبنان هيخلصها الأسبوع ده ومغنتهاش بسبب إن خالي توفى وقتها.. وأنا مش هدفي إن الناس تعرف ألحاني.. ولكن هدفي نجاح الأغنية بغض النظر على الألحان والكلمات.. وفي أغاني كتيرة من كلماتي لكن ما بحبش أقول وبنسب ساعات اللحن لأصدقائي.. رغم إني بكون أنا اللي عامله وهما عدلوا عليه تعديل بسيط لأن هدفي الأساسي هو نجاح الأغنية ككل بغض النظر عن التفاصيل.. وفي أغاني كتيرة برضه حاطط عليها اسمي وإنها من ألحاني".