كشف الفنان أحمد آدم خلال لقائه في الجزء الثاني من حلقته ببرنامج "حبر سري" الذي تقدمه الإعلامية أسما إبراهيم عبر قناة "القاهرة والناس"، عن سبب رفضه العمل مع الفنانة فيفي عبده في مسرحية "حزمني يا".

وحكى آدم عن كواليس هذه المسرحية كاشفاً أن يسرا كانت ستقوم ببطولتها في البداية، وعندما انسحبت منها وأسند الدور إلى فيفي عبده رفض التعاون معها خوفاً من عدم التزامها بالعروض بسبب طبيعة عملها.

وقال: "كنت لسه مخلص مسرحية "عطية الإرهابية"، وجالي أستاذ عصام إمام وقالي عاوز أعملك مسرحية أنت ويسرا وأشرف عبد الباقي، وأشرف اعتذر فقولتله نجيب هنيدي، وعملنا بروفات مع الأستاذ سمير العصفوري، والمسرحية إن يسرا أختنا الكبيرة ودكتورة ولما بتحصل مشاكل بتشتغل رقاصة، وفي مرة قابلت أستاذة يسرا وسألتها إن كانت هتشارك في المسرحية لأن كان في عروض تانية اتقدمت لي وقالت لي إنها مش هتشتغل وطلبت مني مقولش لحد، ومبقتش عارف أعمل إيه".

وتابع: "بعد فترة اتصل بي عصام إمام وقالي إن يسرا مش هتشتغل، وأنا قولت له إني مش هشتغل طالما هي مش موجودة، فقالي إنه هيجيب فيفي عبده، وأنا مع الانفعال قولت له مش هشتغل مع فيفي عبده، كنت أيامها بفكر إن فيفي عبده عندها حفلات وأفراح ومش هيبقى في التزام بمواعيد المسرح كان دا السبب وأستاذ عصام تفهم الأمر".

وأكمل: "لما اتعرضت المسرحية وشوفت التزام فيفي عبده وأنها مقفلتش ليلة عرض واحدة حسيت إني غلطت في حقها واتسرعت وإنها ملتزمة أكتر من فنانات تانيين، وشفتها بعدها واعتذرت لها، هي إنسانة وفنانة جميلة".

وكان آدم قد كشف في الجزء الأول من الحلقة عن خيانته لزوجته، وكيف سامحته بعدما عرفت أكثر من مرة أن لديه علاقات نسائية أخرى.

وقال: "مراتي قفشتني أكتر من ثلاث مرات، وأنا بحبها بس دي حاجة ودي حاجة بتبقى حاجات للمرح، هي سامحتني كذا مرة لكن دلوقتي رمت طوبتي لما عرفت إن مفيش فايدة، وهي مقفشتنيش أنا اللي كنت بأقولها، لما بنتواجه مبعرفش أكدب وباقول أه هي مفيش زيها وأنا بحبها، وكانت بتقولي "لما أقفشك تنهي العلاقة".