ضجة كبيرة أثارتها الفنانة إلهام عبد البديع خلال الساعات الماضية بعد تصريحاتها المثيرة حول زواجها ورفضها تقديم أدوار الإغراء، بالرغم من أنها كانت ستفتح لها أبواب الشهرة لتكون رقم واحد.

وقالت إلهام في تصريحات إعلامية إنها رفضت من قبل فيلماً مهماً بسبب مشهد في السرير قائلة: جالي بطولة مع مخرج كبير جدا، كان أول مشهد في السرير واعتذرت عن الفيلم اللي لو كنت عملته من 4 سنين كان زماني رقم 1، لكن مينفعش.

وعن فكرة الإغراء قالت: "الإغراء حاجات كتير ممكن ببصة أو بحركة بحاجات بسيطة بس أنا مبعملش الأدوار الساخنة، وهي مبقتش بتتعمل زي زمان في التسعينيات والناس مش بتبقى متقبلاها وأنا بحاول أراعي الإطار اللي موجودة فيه وأخلي بالي من أدواري".

وأوضحت أنها تخاف من تصنيفها كممثلة تليفزيون خاصة أنها مبتعدة عن السينما منذ فترة طويلة وقالت: "خايفة من تصنيفي ممثلة تليفزيون مش سينما أنا وحشتني السينما ممكن أكون تخنت شوية، والأدوار اللي بتجيلي مش مناسبة".

وكشفت أن أسرتها عارضت زواجها من الملحن وليد سامي، كونها تكبره في العمر، قائلة: "أنا أكبر من جوزي وليد بـ8 سنين، في البداية خفت من خطوة الارتباط بيه كانت مرعبة، في الأول مكنتش أعرف فرق السن، بعدين انصدمت وقلت يمكن عشان كده إحنا بنتخانق كتير، وبحاول أحط نفسي في مكانه وافتكر وأنا في عمره كنت بعمل إيه، أنا بحترمه وبديله مساحته".

يذكر أن آخر أعمال إلهام عبد البديع مسلسل "عالم تاني" وهو من بطولة رانيا يوسف، فريال يوسف، فراس سعيد، نضال الشافعي، سميرة صدقي، مروة عبد المنعم، ومن إخراج عبد العزيز حشاد.