خلال مداخلة هاتفية مع برنامج "بنت البلد" الذي تقدّمه الفنانة نشوى مصطفى على قناة "صدى البلد"، قال نقيب الفنانين الدكتور أشرف زكي إن الفنان ياسر جلال من أكثر الفنانين المتبرعين بالمال لنقابة المهن التمثيلية.

وأكد أن التبرعات التي تُجمع في النقابة لا نحب الحديث عنها، موضحاً: "الناس مش عارفة الأدوار اللي بنعملها، وفعل الخير مش محتاج إننا نعلن عنه، عاملين غروبات وبنكفل زملاءنا المحتاجين، والمرضى، وزملاءنا اللي بيرحلوا وأسرهم، إحنا مبنتأخرش، ولما بعمل نداء بيتم استجابته بعد دقيقة، وكان في زميل توفّاه الله عضو في نقابة تانية، وقسماً بالله زملاءنا الفنانين اتحركوا في خمس دقائق، والمبلغ تم تجميعه، وبنعمل كده لأن ده رد الجميل لبلدنا، وفي الآخر إحنا مصريين، وهنطلق مبادرة "رد الجميل".

وأضاف: "ياسر جلال أكتر واحد بيساهم وبيتبرع لزملائنا في النقابة وبيحلّفني إن محدش يعرف، وبقوله سامحني، ولسه هو باعت من أيام قليلة تبرع محترم جداً لزملائه المحتاجين في النقابة، وقالي لو قولت ده أقاطعك، وأكتر من مناسبة بلاقي ياسر باعت شيك لحساب النقابة وبيقولي ده أقل حاجة لزملائي في النقابة".

وكان نقيب الممثلين قد أعلن عن إطلاق مبادرة "رد الجميل"، قائلاً: "مش في دماغنا نعمل ترندات".