في تحدٍّ منها لقرارات إحالتها الى التحقيق، ردّت الإعلامية ياسمين عز على منتقدي نصائحها الأخيرة، مؤكدة أنها لن تتراجع عن آرائها، كما وجّهت العديد من النصائح الى الزوجات، حيث قالت: "أنا ليا نصيب من اسمي ومعروف عني في الوسط الإعلامي من زمان إني بدلّع الضيف وبعمل حوار حلو ما شاء الله عليا، وأنا بدخّل البهجة على قلوب الناس وبنام مفرفشة من كلامي كل يوم".

وأضافت: "لما بقولك قوليله يا أستاذ محمد بالتنعيم الشتوي أو يا محمد الكبير جداً دا بيكون بجد ولن أتراجع عن كلامي وسجّلوا لي".

كما أسدت ياسمين العديد من النصائح الى الزوجات، قائلةً: "لو جوزك دكتور أسنان يبقى ربنا بيحبك دا رزق من ربنا، وفيه كل المواصفات اللي بتحلم بيها أي ست، متواضع ومؤدب ولسانه بينقط سكر ولا بيطلع منه العيب، كاريزما وبيكون زي الدكتور النفسي من كتر الراحة معاه، وصوته شتوي طول الوقت من كتر البنج، وبيلمع ونضيف".

وأضافت: "بقولك جوزك مش بيرد عليكي لأنه أمين في شغله يرد على التلفون إزاي يا مدام دا بيعالج المريض ودقيق في شغله بطّلي تظلميه وتفتكري إنه بيخونك، ومستحيل ست تندم إنها اتجوزت صيدلي، اتحدّاكم، لأنها متجوزة نسمة وبلسم، والصيدلي له نصيب من اسمه ومهنته، وعامل زي المرهم، ومش هيحتاج يسألك مالك؟ هو بيعرف لوحده، دا ساحر وبيعرف الدوا من لونه".

واختتمت ياسمين عز حديثها بالقول: "اللي طلّعت مقولة حس الراجل بالدنيا دي ست متغاظة؛ ودي مقولة محرّفة لأن الراجل كيان كبير وحاجاته المحترمة وعيونه وكتافه بالدنيا، وأنا لن أتراجع عن مقولتي كتاف الراجل بالدنيا لأنها بجد ومش هزار".