كشف الفنان أحمد سعد خلال لقائه في برنامج "بود كاست"، المذاع على قناة "mbc مود" عن الوصفة السحرية لأغانيه الخاصة، حيث صرّح قائلاً: "عندما أريد أن أغني فإنني أرغب في ذلك مثلما أتحدث مع الناس في الشارع، مثلاً فكرت إني محتاج لأغنية يكون فيها كلمة وسّع... وسّع، جاتلي فكرة إني عايز أعمل أغنية أقول للناس وسّع وسّع، وهما يقولولي وسّع وسّع... جاتلي الفكرة من هنا". وأضاف: "ليه بقى جاتلي فكرة وسّع وسّع، لأن أنا عايز أتكلم في الأغاني زي ما إحنا بنتكلم مع بعض، مش عايز أقول أنا في وسط حب القمر شفت الشمس بتلمح العيون، مش عايز، عايز أقول بس ياعم، وسّع بقى، زي ما إحنا بنتكلم بنّا وبين بعض".

وكان أحمد سعد قد حلّ ضيفاً على البرنامج السعودي "هذا مكانك"، وتحدّث خلاله عن دراسته، قائلاً: "أنا مدخلتش ثانوية عامة، لأن التقديم في معهد الموسيقى العربية، بيكون بعد الإعدادية ولمدة 7 سنين، وهو في فنان يفهم في الكيميا والفيزيا؟ دي حاجات صعبة على مستوى تفكير فنان".

وعن سر نجاحه، قال أحمد سعد: "أمي دعت لي وزوجتي وشّها خير عليا، وبتدخل في كل حياتي، وكان وشّها قدم السعد وبتحبني أطلع بشكل معين ودايماً مركزة معايا".