بالفيديو- طارق الدسوقي يعرض الزواج على ياسمين عز... وهذا ما ردت به

القاهرة - "لها" 29 يناير 2023

حلّ الفنان طارق الدسوقي ضيفاً على الإعلامية ياسمين عز في برنامجها "كلام الناس" الذي يذاع عبر فضائية "mbc مصر".

وسألت ياسمين الفنان طارق الدسوقي عن أهمية التفاهم بين الزوجين، ليرد قائلاً: "التفاهم شيء مهم بين الزوج والزوجة مينفعش أقول يمين وهي تقول شمال".

وعقبت ياسمين قائلة: "أنا بالنسبالي مقدرش أقول رأي مخالف لو بتقيس الأمر عليا، ميقولش يمين وأنا أقول شمال، ليقاطعها الدسوقي، قائلاً: "شكلي هجيب المأذون آخر الحلقة على فكرة، لتجيب ياسمين: "مش للدرجة دي، إحنا أخوات يا أستاذ طارق، وأنا هنا أخت الضيوف كلهم".

وكشف الدسوقي عن سبب اعتذاره عن مسلسل "العمدة" لمحمد رمضان، قائلاً: "اتعرض عليا عملين السنة اللي فاتت واعتذرت، ومحمد رمضان ممثل جيد وشاطر، ومحمد سامي شاطر مخرج جدا، الكاست كويس جدًا، لما قرأت المسلسل، وروحت وقعدت مع محمد سامي واتكلمنا، في الحقيقة فيه اختلاف كبير بوجهات النظر، حسسني إن مش هو الدور اللي أرجع بيه للناس، وكل واحد بيبقى ليه وجهة نظره".

وأردف: "ببساطة شديدة إن وجهة نظر محمد سامي المخرج إن مش المهم إن إحنا نعمل الفن والدراما علشان نسلي الناس مرة نضحكهم نبكيهم، المهم إزاي نسمرهم قدام الشاشة".

واختتم طارق الدسوقي حديثه، قائلًا: "معنديش وسيلة لإعادة عقليات الناس ومنظومة القيم والأخلاق غير الدراما، وأي خطبة يقولها الشيخ في الجامع أو القس في الكنيسة مش مؤثرة زي الدراما، أو زي المسلسل الدرامي، الصورة والحدوتة، لإن إحنا كشعب مصري وعربي بنميل لده، وبتأثر على ملايين الناس، وبتأثر أكتر من أي حاجة تانية مباشرة".