بالصورة- إيميه صياح تنشر صورة والدتها وتوجه لها رسالة مؤثرة.. هل تشبهها؟؟

عايدت الممثّلة اللبنانية إيميه صيّاح، والدتها جاكو، بمناسبة عيد ميلادها.

ونشرت مقدّمة برنامج المواهب "The Voice Kids" عبر حسابها الرسمي على تطبيق "انستغرام"، صورة لها برفقة والدتها، وكتبت: "ينعاد عليكي مامي."

ثمّ نشرت رسالة مؤثّرة لوالدتها، وقالت: "من أوّل ما فتّحت عيوني عالدني وإنت حدّي..وبعدني لهلأ، ما إلحق فتّح عيوني الصبح، بتحسّي فيي وبتكوني كتبتيلي أحلى Bonjour Am2ouma".

وأردفت "الله لا يحرمني من عيونِك ورواقِك وحكمتِك وريحتِك وضحكتِك.. يا ربّ.. يضلّ تلفوني يدقّ Mamita كلّ ساعة.. وضلّ سوق فيكي وما تعجبك سواقتي.. ضلّ احتار وما أعرف اشتري قطعة إذا ما كنتي معي..ونروح نجيب "غرض" ونرجع بكلّ شي إلا بهالغرض.. وضلّ آكل أطيب Lasagna من إيديكي.. وضلّ خبرك تفاصيل التفاصيل نحن وعم نشرب نسكافيه".

وختمت "وبيبقى الأهم.. ضلّ اسمع شو بتشبهك أمّك..بحبّك Jako بحبّك بحبّك بحبّك..عقبال الـ100 سنة.. وكل ما إكبر صير أشبهك بعد أكتر..واحلم صير قد ربعك.. إيميه".

وبدا الشبه واضحاً بين صيّاح ووالدتها، إذ أنّهما ظهرتا كشقيقتين.

وكانت صيّاح قد صرّحت في حديثٍ خاصّ لـ"لها" أنّ "والدتها هي أقرب صديق اليها."