هكذا علق محمد إمام على أزمة اللفظ غير اللائق لأحمد الفيشاوي.. وهذا ما كشفه عنه

دافع الفنان المصري محمد إمام عن صديقه الفنان أحمد الفيشاوي الذي تعرض لانتقادات عديدة بسبب اللفظ الخارج عن اللياقة الذي صدر عنه في افتتاح مهرجان الجونة السينمائي.

ونشر إمام صورة للفيشاوي عبر حسابه على "إنستغرام" وعلق قائلاً: "أنا بحب أحمد الفيشاوي.. مشكلة احمد انه عايش بدماغ غربي في مجتمع شرقي متحفظ جداً، بيغلطوا آه بس مايحبوش اللي بيحبوهم يغلطوا".

وأضاف: "انا عشت مع احمد أيام في بيت الاستاذ فاروق الفيشاوي ومدام سمية الالفي، وما شفتش منهم غير كل حب. الأستاذ فاروق من ألطف الشخصيات اللي ممكن تشوفها في حياتك، ومدام سمية من أجمل الأمهات (ده غير ان اول مسلسل ليا في حياتي كان مع الاتنين دول)".

وتابع: "على فكرة، احمد الفيشاوي ده من أقوى الممثلين اللي في مصر. سيبوه يعيش حياته زي ما هو عاوز وانتوا عيشوا حياتكم زي مانتوا عاوزين".

وختم قائلاً: "البوست ده مش دفاعاً عن أحمد، هو فعلاً غلط واعتذر، بس كان في كلمتين لازم اقولهم بحق العيش والملح والعِشرة اللي بينا".