بالصور - سما المصري تتهكم على فنانة في مهرجان القاهرة: "إيه يا جدعان مولد سيدي العريان دا؟"

حاولت الفنانة الاستعراضية سما المصري الأخذ بثأرها عما لحقها من سخرية حين اطلت في الدورة الماضية في مهرجان القاهرة السينمائي الدولي.

وكما حصل معها، تهكمت بدورها على إطلالة الممثلة حسناء سيف الدين وظهورها في حفل ختام النسخة الـ39 من المهرجان.

وأطلت سيف الدين بفستان مكشوف الظهر والبطن، فنشرت المصري صورتها قائلةً عبر حسابها على "انستغرام": "إيه يا جدعان مولد سيدي العريان دا؟.. مين دي؟ وازاي سابوها تدخل مهرجان السينما كده؟ ومين دعاها؟".

وأضافت: "مش كانوا بيسألوني كده من سنة لما روحت نفس المهرجان، مع اني كنت لابسة حشمة؟ طيب هي مش معروفة ماشي.. لابسة أبيض ومش واخدة بالها اننا في حداد ماشي.. دخلت بالواسطة والكوسة ماشي.. انما يبقى المنظر عرض أزياء للحم الأبيض المتوسط؟".

واختتمت: "هو سؤال للمسئول عن المهرجان اللي ما عرفش هو مين.. مين اللي عداها من البوابات دي بالفرح اللي عاملاه في نفسها دا، ولا كأنها عايشة معانا في الحداد".