خاضت الفنانتان بلقيس فتحي وكارمن سليمان "حوار نسوان" عبر حسابيهما على شبكات التواصل الاجتماعي، حول تجربة الحمل التي تمران بها، بخاصة ان الأخيرة أعلنت بدء العد العكسي لإنجاب طفلها.

وغرّدت بلقيس قائلةً: "إيه يا كارمن، الحمل عامل معاكي إيه يا اختي؟"، وردت عليها كارمن قائلة: "زي الفل يا حبي الحمد لله، جميل والله، الواحد حاسس إنه بينام بس ربنا يسهل عليكي حملك يا رب وتقومي بالسلامة، وتجيبي لنا بيبي قمر زيك نلعب معاه إن شاء الله".

وسألت بلقيس: "طبيعي انه بيرفس كل خمس دقايق؟! نوريني والنبي"، وأجابت كارمن بعفوية: "حضرتك بيلعب كورة كل خمس دقايق عادي جدًّا" ، وعلقت بلقيس قائلة: "طاب الحمدلله أنا كدة اتطمنت" .

وعلّق الملحن مصطفى جاد، زوج كارمن، على الحوار، فنشر وجوهاً تعبيرية تعني ان الطفل لا يرى ولا يسمع ولا يتكلم.

وردت بلقيس: "حوار نسوان"، مضيفةً: "خد بالك منها يا مصطفى، دي حبيبة قلبي جدًّا"، وعلقت كارمن بقولها: "يا حبيبتي إنتي ربنا يجمعنا قريب على خير".

وأردفت بالقول: "طمنيني انتِ اخبار الحمل معاكِ إيه، انتِ لسه في الأول؟ هو الفكرة بس ان انا حاسة إني بقيت واحدة تانية كل حاجة اتغيرت كده، انا بعطس و بكُح في نفس الوقت من غير مقدمات".

وردت بلقيس: "انا باكل وبنام وبتكلم وبعمل كل حاجة في وقت واحد..انا مش انا، انا تهت مني لا مش في الاول ده البطن ظهرت وبانت".