بالصور - فنانة مصرية تتخلص من الوزن الزائد ومن السخرية بعملية "نحت الدهون"... لاحظوا الفرق

19 يناير 2018

نشرت الفنانة المصرية إيناس عز الدين، عبر حسابها على "فايسوك"، صوراً لها بعد خضوعها لعملية "نحت الدهون".

وقد بدت في الصور أقل وزناً مما كانت عليه في السابق. وقامت بالمقارنة بين وزنها السابق والحالي.

ووجهت إيناس رسالة إلى متابعيها وكتبت: "مساء الخير، وأول صورة بعد العملية. الصورة اللي على اليمين أنا من شهر ووزني زايد جداً بسبب مشاكل كبيرة صحية حصلتلي كانت بتخليني آخد كورتيزون وكانت بتخليني آكل وجبة واحدة في اليوم، وده بيضعف مستوى حرق جسمي،  وكمان كنت حامل وأجهضت بسبب إن صحتي ما اتحملتش الحمل، وكنت حموت، والدهون كانت قافلة الحجاب الحاجز وما كنتش بعرف أتنفس".

وأضافت: "كانت كتير بتجيلي تعليقات مسيئة ومهينة بتخليني أخاف أنزل صورة بوزني الحقيقي، وكنت دايماً بعمل شوية إيديت للصورة قبل ما أنزلها،  وبرضوا كنت بقرا كلام يزعل زي خففي أكل شوية وإنتي ضربتي كده ليه؟ وجاموسة، وما تيجي تاكلينا أحسن، وماحدش كان عارف ان صحتي متدهورة لأقصى حد".

وتابعت: "الصورة التانية اللي على الشمال بالترينينغ النهاردة وبعد أسبوع فقط من عملية نحت الدهون... تابعوني وهتابعكم أول بأول النتيجة لحد ما نوصل للنتيجة النهائية بعد3 شهور. لسه قدامي مشوار في الحفاظ على اللي وصلتله. دعواتكم. خلاص مافيش فوتوشوب".