بالصور والفيديو - فنان مصري يحقق رغبة طفلة مريضة بمتلازمة داون.. ماذا فعل؟

حرص الفنان أكرم حسني الشهير بـ"أبو حفيظة"، على تحقيق رغبة طفلة مريضة بمتلازمة داون، في رؤيته.

حيث نشر على صفحته بموقع "إنستغرام" فيديوهين، ومجموعة من الصور للطفلة زينة أثناء زيارتها لأماكن تصوير مسلسله برفقة والدها ووالدتها، وعلق أكرم على الصور "زينة وباباها ومامتها".

كما علق على الفيديو: "امبارح وأنا بصور لاقيت ناس كتير من قرايبي و اصحابي باعتينلي بوست بيطلب من الناس اللي يعرفوني يبلغوني ان في بنت بتحبني و نفسها تشوفني و لاني عارف اننا مشغولين في التصوير لحد نهاية رمضان و مش هافضي قبل كده ف تواصلت مع بابا و طلبت منهم يجولي التصوير النهاردة .. لحد هنا و الموضوع عادي .. لكن اللي مش عادي بقي لما زينة جت النهاردة و قابلتها .. و الله العظيم انا ما شفتش في حياتي بنت بالجمال ده و لا خفة الدم دي و لا اللماضة دي و لا الحنية دي و لا القدرة علي التعبير عن احساسها بالجمال ده لدرجة اني حسيت اني انا اللي كنت محتاج اشوفها مش هي .. احساس عظيم انك تأثر في حد و انك تحس ان ربنا جعلك اداة تسعد الناس و انت كمان تبقي سعيد لما حد منهم يظهرلك حبه  ربنا يحميكي يا زينة يا حبيبتي و يبارك لك في اهلك المحترمين الطيبين الجدعان اللي اتشرفت اني قابلتهم و اتعرفت عليهم .. انا في منتهي السعادة " .

وقد انهالت التعليقات عليه من جمهوره الذين عبروا عن إعجابهم الشديد بانسانيته وأخلاقه، ووصفوه بالفنان المحترم، وتمنوا له التوفيق في مسلسله .

جدير بالذكر أن مسلسل "الوصية" من بطولة أكرم حسنى وأحمد أمين، وريم مصطفى، ومن إخراج خالد الحلفاوى، ومن المقرر ان يخوض به السباق الرمضاني المقبل 2018.

شارك