أعلن النجم عمرو سعد انسحابه من سباق الدراما الرمضاني برسالة مؤثرة، وذلك بعد مواجهة مسلسله "بركة" مشاكل تسويقية. 

ونشر الممثل المصري صورة له من خلال حسابه الخاص على "إنستغرام" وظهر فيها رأسه بين مسدسين، وعلق قائلاً: "كان نفسي أكون معاكم في رمضان السنة دي، بس الظاهر أني اتضرب عليا نار، بس أنا عاوز أقولكم إن اللي بيعيش في القلوب ما يموتش أبدا، وبركة زي الدهب قيمته فيه وراجع بحجم الحب والثقة والاحترام المتبادل".

وأضاف: "قريب هاقولكم على كل التفاصيل علشان الكلام كتير والإشاعات أكتر، وأنا عمري ما تاجرت بمعاناة ولا اتكلمت عن نجاح ولا تباهيت بشهرة لأني مؤمن من أول يوم طلعت على أفيش أول أفلامي أن بطل الناس واحد منهم، ودعيت ساعتها من ربنا أني ما اتغيرش، واظن ربنا استجاب علشان أفضل طول عمري شايف بعيونكم وحاسس زيكم".

وتابع: "أنتم تاجي وأهلي وعزوتي وناسي وحمايتي ضد اَي قوة بتفكر توقفني، الصدق بيوصل والأفضل بيعيش ويستمر ويلاطم الزمن بكل بلاويه.. الحمد لله على كل شيء والشكر ليكم وكل سنة وأنتم طيبين".